ধৰ্… অভিযোগত গ্ৰেপ্তাৰ জনপ্ৰিয় অভিনেতা, হতবাক অনুৰাগী
মালয়ালম ছবি জগতত এক জোকাৰণি। হেমা কমিটীৰ প্ৰতিবেদন কিছুদিনৰ পূৰ্বে অভিনেত্ৰীৰ সৈতে যৌন শোষণৰ কথা প্ৰকাশ পোৱাত সকলোকে আচৰিত কৰি তুলিছিল। সেই গোচৰৰে ধৰ্ষণৰ অভিযোগত অভিযুক্ত উদ্যোগটোৰ এজন ডাঙৰ অভিনেতাক গ্ৰেপ্তাৰ। হতবাক অনুৰাগী।
মালয়ালম অভিনেতা এদাভেলা বাবুক ধৰ্ষণৰ অভিযোগত গ্ৰেপ্তাৰ। চলিত মাহৰ আৰম্ভণিতে প্ৰত্যাশিত জামিন লোৱাৰ পিছতে গ্ৰেপ্তাৰ কৰা হৈছে অভিনেতাগৰাকীক। কোল্লামৰ বিধায়ক এম মুকেশকো একেধৰণৰ অভিযোগত গ্ৰেপ্তাৰ কৰি তাৰ পিছত জামিনত মুকলি কৰি দিয়াৰ এদিন পিছতে এদাভেলা বাবুক গ্ৰেপ্তাৰ।
বুধবাৰে কেৰালা আৰক্ষীয়ে ধৰ্ষণৰ অভিযোগত গ্ৰেপ্তাৰ কৰে এডৱেলা বাবুক। যদিও শীঘ্ৰে জামিনত মুক্তি পাব বুলি আশা কৰা হৈছে, এই খবৰটোৱে সকলোকে আচৰিত কৰি তুলিছে।
ইতিমধ্যে এৰ্নাকুলামৰ জিলা আদালতৰ পৰা তেওঁক আগতীয়াকৈ জামিন লাভ কৰা হৈছে। এই গোচৰত আৰক্ষীৰ তদন্তৰ পৰিসৰ বৃদ্ধি পাইছে, বিশেষকৈ হেমা কমিটীৰ প্ৰতিবেদনৰ পিছত, য’ত মালয়ালম চলচ্চিত্ৰ উদ্যোগত মহিলাৰ শোষণৰ কথা পোহৰলৈ আহিছিল।
চলিত বৰ্ষৰ আৰম্ভণিতে প্ৰকাশ পোৱা হেমা কমিটীৰ প্ৰতিবেদনত চলচ্চিত্ৰ জগতত মহিলাৰ ওপৰত হোৱা নিৰ্যাতনৰ ওপৰত আলোকপাত কৰা হৈছিল। এই প্ৰতিবেদনৰ পিছত বহু অভিনেতাৰ বিৰুদ্ধে ধৰ্ষণৰ অভিযোগ উত্থাপন হৈছে। এইবোৰত বিধায়ক এম মুকেশ আৰু অভিনেতা সিদ্ধিকৰ নামো সন্নিবিষ্ট।
মালয়ালম চলচ্চিত্ৰ আৰ্টিষ্ট এছ’চিয়েশ্যনৰ দীৰ্ঘদিনীয়া সাধাৰণ সম্পাদক এডাভেলা বাবুৱে জুন মাহত পদত্যাগ কৰিছিল। গ্ৰেপ্তাৰৰ গোচৰৰ অভিযোগকাৰী সেইগৰাকী অভিনেত্ৰী, যিয়ে ২০১০ চনত আম্মাৰ সদস্যপদৰ বাবে বাবু আৰু মুকেশৰ কাষ চাপিছিল। অভিযোগকাৰীয়ে অভিযোগ কৰে যে এই যুটিয়ে তেওঁৰ ইচ্ছাৰ বিৰুদ্ধে শোষণ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
