‘এক দেশ এক নিৰ্বাচন’, কেইবাখনো ৰাজ্যত একেলগে হ’বলৈ গৈ আছে লোকসভা-বিধানসভা নিৰ্বাচন
ভাৰতবৰ্ষৰ নিৰ্বাচনত এইবাৰ এক বিশেষ ঘটনা হ’বলৈ গৈ আছে। দেশৰ কেইবাখনো ৰাজ্যত একেলগে অনুষ্ঠিত হ’বলৈ গৈ আছে লোকসভা আৰু বিধানসভা নিৰ্বাচন। ‘এক দেশ এক নিৰ্বাচন’ এই কথা কাৰ্যতঃ সিদ্ধি হোৱাৰ দিশে।
অতি কমেও আঠখন ৰাজ্যত এইবাৰ একেলগে বিধানসভা আৰু লোকসভা নিৰ্বাচন হোৱাৰ সম্ভাৱনাই দেখা দিছে। এই আঠ ৰাজ্যৰ ভিতৰত কেন্দ্ৰীয় শাসিত অঞ্চলতো একেলগে নিৰ্বাচন হব পাৰে। এই আঠ ৰাজ্যৰ ভিতৰত অন্যতম ৰাজ্যখন হৈছে হাৰিয়ানা।
চৰকাৰ তথা নিৰ্বাচন আয়োগৰ ফালৰ পৰা ৰাষ্ট্ৰীয় সংবাদ মাধ্যমত প্ৰকাশিত তথ্য অনুসৰি এইদৰে একেলগে বিধানসভা আৰু লোকসভা নিৰ্বাচন অনুষ্ঠিত হ’ব লগা ৰাজ্যবোৰৰ ভিতৰত হাৰিয়ানা আৰু জম্মু-কাশ্মীৰ উল্লেখযোগ্য। কিয়নো এই বৰ্ষতেই এই দুই ৰাজ্যত বিধানসভাৰ কাৰ্যকাল সম্পূৰ্ণ হ’ব।
ইয়াৰ লগতে কেন্দ্ৰীয় শাসিত অঞ্চলতো একেদৰে নিৰ্বাচন অনুষ্ঠিত হোৱাৰ কাৰণো একে বুলি জানিব পৰা গৈছে।
উল্লখনীয় যে, বিগত কিইটামান লোকসভা নিৰ্বাচনৰ সময়তে উৰিষা, অন্ধ্ৰপ্ৰদেশ, অৰুণাচল প্ৰদেশ আৰু চিকিমত একেসময়তে লোকসভা আৰু বিধানসভা নিৰ্বাচন অনুষ্ঠিত হৈ আহিছে।
অসমতো ইয়াৰ এক প্ৰভাৱ দেখিবলৈ পোৱা যোৱাৰ সম্ভৱনাই দেখা দিছে। কিয়নো কেইগৰাকীমান বৰ্তমানৰ বিধায়কে লোকসভা নিৰ্বাচনত টিকট লাভ কৰাত এতিয়া সেই কেইটা সমষ্টিত একেসময়তে লোকসভা আৰু বিধানসভাৰ নিৰ্বাচন হ’ব পাৰে বুলি ইংগিত পোৱা গৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
