সমগ্ৰ বিশ্বৰ সমুখতে লজ্জানত পাকিস্তান, ফ্ৰী হোৱাৰ পাছতো ষ্টেডিয়ামত দেখা পোৱা নগ’ল দৰ্শক
বৰ্তমানে ইংলেণ্ড ক্ৰিকেট দল পাকিস্তান ভ্ৰমণত আছে, য’ত ৩খন মেচৰ টেষ্ট ছিৰিজ অনুষ্ঠিত হৈছে। প্ৰথমখন খেল মুলতানত অনুষ্ঠিত হৈছে। প্ৰথমখন খেলৰ দ্বিতীয় দিন শেষ। কিন্তু এই খেলত দেখা গৈছে অক ভিন্ন দৃশ্য। দুই দেশৰ মাজৰ ৰোমাঞ্চকৰ খেল হোৱাৰ পাছতো দৰ্শকৰ আসন খালী। ফ্ৰী কৰি দিয়াৰ পাছতো দেখা নগল দৰ্শক।
পাকিস্তানী ক্ৰিকেট অনুৰাগীয়ে এই খেলখনৰ প্ৰতি আগ্ৰহ প্ৰকাশ কৰা নাই। ষ্টেডিয়াম জনশূন্য। ষ্টেডিয়ামৰ ষ্টেণ্ডবোৰ বেছিভাগেই খালী। তাকো টিকত মূল্য সৰ্বাধিক ২০০০ আৰু সৰ্বনিম্ব ৫০ টকা। কিন্তু তথাপি দৰ্শকৰ আসন খালী, যাৰ বাবে শেষত পাকিস্তান ক্ৰিকেট ব’ৰ্ডে এটা ডাঙৰ সিদ্ধান্ত ল’ব লগা হয়।
অনুৰাগীৰ বাবে খেল উপভোগ সম্পূৰ্ণ বিনামূলীয়া কৰি দিয়ে পাকিস্তান ক্ৰিকেট বৰ্ডে। পাছে তাৰ পাছতো খালী হৈয়ে ৰৈ যায় আসনবোৰ। ইংলেণ্ডৰ প্ৰাক্তন ক্ৰিকেটাৰ মাইকেল আথাৰটনেও এই বিষয়ত চোকা প্ৰতিক্ৰিয়া প্ৰকাশ কৰিছে।
তেওঁ কয় যে ষ্টেডিয়ামত দৰ্শকতকৈ নিৰাপত্তাৰক্ষী অধিক উপস্থিত আছিল। ষ্টেডিয়ামত কোনো ধৰণৰ আড়ম্বৰ আৰু শ্ব’ নাই।
ইয়াৰ পূৰ্বে বাংলাদেশৰ বিৰুদ্ধে খেলা ছিৰিজতো পাকিস্তানৰ দৰ্শক খেল চাবলৈ ষ্টেডিয়ামলৈ অহা নাছিল। ইয়াৰ পিছত পিচিবিয়েও মেচৰ টিকটৰ মূল্য কেৱল মাত্ৰ ২৫টকা আৰু ৫০ টকালৈ হ্ৰাস কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
