কাশ্মীৰত নিৰ্বাচনৰ ফলাফলৰ পাছতে ভয়ংকৰ ঘটনা, গুলীৰে থকা সৰকা কৰিলে সেনাৰ দেহ
জম্মু-কাশ্মীৰৰ নিৰ্বাচনৰ ফলাফল ঘোষণাৰ পাছতে এটা ডাঙৰ খবৰ পোহৰলৈ আহিছে। অনন্তনাগত টেৰিটৰিয়েল আৰ্মিৰ দুজন জোৱানক অপহৰণ কৰি নি তাৰেই এজনক হত্যা সন্ত্ৰাসবাদীৰ ৷ এই জোৱানসকলক অনন্তনাগৰ বনাঞ্চলত নিয়োজিত কৰা হৈছিল।
অপহৃত টেৰিটৰিয়েল আৰ্মীৰ জোৱান দুজনৰ ভিতৰত এজনে কোনোমতে পলায়ন কৰিবলৈ সক্ষম হয়। আনহাতে আনজন জোৱানক সন্ত্ৰাসবাদীয়ে গুলীয়াই হত্যা কৰে। সেনাবাহিনীয়ে আৰু নিৰাপত্তা বাহিনীয়ে বৰ্তমানে তালাচী অভিযান চলাই থকা বুলি জানিব পৰা গৈছে। পলায়ন কৰিবলৈ সক্ষম হোৱা জোৱানজনক নিৰাপত্তাৰক্ষীত ৰখা হৈছে আৰু জেৰা অব্যাহত আছে।
নিৰুদ্দেশ হোৱা টেৰিটৰিয়েল আৰ্মীৰ জোৱান হিলাল আহমেদ ভাটৰ মৃতদেহ উদ্ধাৰ কৰিছে নিৰাপত্তা বাহিনীয়ে। বিষয়াসকলে জনোৱা মতে, ভাটৰ মৃতদেহ গুলীৰে থকা সৰকা কৰি পেলাইছে সন্ত্ৰাসবাদীয়ে, মৃত্যুৰ পাছতো সেনাজনক গুলিয়াই থকাৰ সন্দেহ ব্যক্ত।
অনন্তনাগৰ উত্ৰাছুৰ সংগলন বনাঞ্চলত পৰি থকা অৱস্থাত উদ্ধাৰ হয় জোৱানজনৰ নিথৰদেহ। জোৱানজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে। সেনাৰ মুখপাত্ৰই জনোৱা মতে, মঙলবাৰৰ পৰা জোৱানজন নিৰুদ্দেশ হৈ থকাৰ বাবে নিৰাপত্তা বাহিনীয়ে তেওঁক বিচাৰি উলিয়াবলৈ তালাচী অভিযান চলাই আছিল।
সেনাৰ শ্ৰীনগৰস্থিত চিনাৰ কৰ্পছে টুইটাৰত শ্বেয়াৰ কৰিছে, ‘চোৰাংচোৱা তথ্যৰ ভিত্তিত ভাৰতীয় সেনা আৰু জম্মু-কাশ্মীৰ আৰক্ষীয়ে ২৪ অক্টোবৰৰ ৮ অক্টোবৰত কাজৱান বনাঞ্চল কোকেৰনাগত সন্ত্ৰাসবাদ বিৰোধী অভিযান আৰম্ভ কৰিছে। এজন সেনা জোৱান নিৰুদ্দেশ হোৱাৰ খবৰ পোৱাৰ পিছতে গোটেই নিশাটো অভিযান অব্যাহত থাকে। পিছত উদ্ধাৰ হয় জোৱানজনৰ মৃতদেহ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
