বিশ্বৰ বিভিন্ন প্ৰান্তত এতিয়া যুদ্ধসদৃশ পৰিৱেশে বিৰাজ কৰিছে। কিছুদিনৰ যুদ্ধ বিৰতিৰ পিছত মধ্যপ্ৰাচ্যত পুনৰ যুদ্ধৰ দামামা বাজি উঠিছে। ইৰান-আমেৰিকাৰ আক্ৰমণ-প্ৰত্যাক্ৰমণত ধ্বংসস্তুপত পৰিণত হৈছে ইৰান, আৰৱৰ কেইবাখনো চহৰ। ইয়াৰ মাজতে মঙলবাৰে নিশা আফগানিস্তানৰ কেইবাটাও অঞ্চলত পাকিস্তানে মিছাইলেৰে আক্ৰমণ কৰে। পাকিস্তানৰ এই আক্ৰমণত ১১টি নিষ্পাপ শিশুৱে প্ৰাণ হেৰুওৱাৰ লগতে এগৰাকী মহিলা আৰু এজন বৃদ্ধৰো মৃ*ত্যু ঘটিছে। আনহাতে এই আক্ৰমণত ১৪ গৰাকী মহিলা গুৰুতৰভাৱে আহত হৈছে। আফগানিস্তানৰ তালিবান চৰকাৰে আনুষ্ঠানিকভাৱে সদৰী কৰিছে এই তথ্য। তালিবান চৰকাৰে পাকিস্তানে ইচ্ছা কৰিয়েই জনবহুল এলেকাত এনেদৰে মিছাইলেৰে আক্ৰমণ চলোৱাৰ অভিযোগ উত্থাপন কৰিছে।
তালিবান চৰকাৰৰ মুখ্য প্ৰৱক্তা জাবীহুল্লাহ মুজাহিদে আফগানিস্তান এয়াৰস্পেচৰ উলংঘা কৰি কুনাৰ, খোস্ত আৰু পক্তিকা অঞ্চলত থকা সাধাৰণ লোকৰ গৃহক টাৰ্গেট কৰি পাকিস্তানৰ বিৰুদ্ধে বো*মাবৰ্ষণ কৰাৰ অভিযোগ উত্থাপন কৰে।
ইপিনে আফগানিস্তানৰ এই অভিযোগক খণ্ডন কৰি পাকিস্তানৰ তথ্য সম্প্ৰচাৰ মন্ত্ৰী আতাউল্লাহ তৰাৰে কয় যে-পাকিস্তানে চোৰাংচোৱাৰ তথ্যৰ ভিত্তিত আফগানিস্তানৰ সন্ত্ৰাসবাদীৰ ঘাটিতহে আক্ৰমণ কৰিছে। তৰাৰে লগতে কয় যে এই অভিযানত আফগানিস্তানৰ ৪টা সন্ত্ৰাসবাদীৰ ঘাটিতহে পাকিস্তানে আক্ৰমণ কৰিছে আৰু এই আক্ৰমণত ২৬টা সন্ত্ৰাসবাদীয়ে প্ৰাণ হেৰুৱাইছে। উল্লেখ্য যে ৯ জুনত পাকিস্তানৰ খৈবৰ পখতুনখা প্ৰান্তৰ সীমান্তত হোৱা আক্ৰমণত পাকিস্তানৰ ৬ নিৰাপত্তাৰক্ষী নি*হত হৈছিল। আফগানিস্তানৰ বিৰুদ্ধে পাকিস্তানে এই আক্ৰমণৰ অভিযোগৰ আঙুলি উত্থাপন কৰিছিল। বিগত ৪ মাহৰ পৰা দুয়োখন দেশৰ মাজত অব্যাহত আছে সং*ঘৰ্ষ।
চলিত বৰ্ষৰ ২২ ফেব্ৰুৱাৰীত পাকিস্তানে প্ৰথমবাৰৰ বাবে আফগানিস্তানৰ সীমান্তৱৰ্তী অঞ্চলত এয়াৰষ্ট্ৰাইক কৰিছিল। পাকিস্তানে দীৰ্ঘ সময়ৰ পৰা আফগানিস্তানৰ তালিবান চৰকাৰৰ বিৰুদ্ধে অভিযোগ উত্থাপন কৰি আহি আছে যে আফগানিস্তানে তেওঁলোকৰ ভূ-খণ্ড সন্ত্ৰা*সবাদী সংগঠনক পোহ-পাল দিয়াৰ বাবে ব্যৱহাৰ কৰি আহিছে। আফগানিস্তানে TTP নামৰ সন্ত্ৰা*সবাদী সংগঠনটোক পৰিচালনা কৰাৰো গুৰুতৰ অভিযোগ উত্থাপিত কৰি আহিছে পাকিস্তানে।
এই প্ৰতিবেদনখন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
