পেৰিচ অলিম্পিকলৈ সাজু ভাৰত, অসমৰ এগৰাকীসহ উত্তৰ পূৱৰ ৩গৰাকী, দুগৰাকীৰ স্বৰ্ণ পদক লাভৰ সম্ভাৱনা
মাজত মাথো আৰু কেইটামান দিন , অহা ২৬ জুলাইৰ পৰা আৰম্ভ হবলৈ গৈ আছে, বিশ্বৰ সবাতোকৈ ডাঙৰ প্ৰতিযোগিতা অলিম্পিক। গ্ৰীষ্মৰ এই অলিম্পিকলৈ ৪ বছৰে ধৰি অপেক্ষা কৰে বিশ্বৰ খেলুৱৈ সকলে। সেই অধীৰ অপেক্ষাৰ অন্ত পেলাই আৰম্ভ হবলৈ হৈ আছে পেৰিচ অলিম্পিক ২০২৪।
এইবাৰৰ অলিম্পিক খেলত ভাৰতৰ পৰা ১১৭ গৰাকী খেলুৱৈ সাজু হৈছে খেল খেলিবলৈ। ১৮ দিনৰ ১৬ বিধ ভিন্ন ভিন্ন খেলত অংশ লব ভাৰতৰ খেলুৱৈ সকলে। ইয়াৰে কেইবাগৰাকী খেলুৱৈৰ স্বৰ্ণ পদকৰ সম্ভাৱনা প্ৰৱল। ইয়াৰ ভিতৰত নিৰজ চোপ্ৰাৰ নাম থকাৰ লগতে অসমৰ এগৰাকী খেলুৱৈৰ নাম আছে। লগতে উত্তৰ পূৱৰে আন এগৰাকী খেলুৱৈৰো নাম স্বৰ্ণ জয়ৰ তালিকাত ৰখা হৈছে।
অসমৰ পৰা অলিম্পিকলৈ যোগ্যতা অৰ্জন কৰা খেলুগৰাকী হৈছে বক্সাৰ লাভলীনা বৰগোঁহাই। ২০২০ চনত প্ৰথমবাৰৰ বাবে অলিম্পিকত যোগ্যতা অৰ্জন কৰিয়ে ব্ৰঞ্জৰ পদক লাভ কৰি ইতিহাস সৃষ্টি কৰিছিল লাভলীনাই। অলিম্পিক পদক বিজয়ৰ পাছতেই আকৌ ভাৰতত অনুষ্ঠিত হোৱা বিশ্ব মহিলা বক্সিং চেম্পিয়নশ্বিপত সোণৰ পদক অৰ্জন কৰি লাভলীনা হৈ পৰিছিল বিশ্ব চেম্পিয়ন। যাৰ বাবে এইবাৰ পৰিপক্ক খেলুৱৈগৰাকীৰ পৰা সোণৰ পদক আশা কৰিছে অসম তথা ভাৰতবাসীয়ে।
উত্তৰপূৱৰ আন এগৰাকী খেলুৱৈ যাৰ পৰা সোণ নিশ্চিত জয় হিচাপে আশা কৰিছে সমগ্ৰ ভাৰতে। সেই খেলুৱৈ গৰাকী হৈছে মণিপুৰৰ সাইখোম মীৰাবাই ছানু। ভাৰত্তোলনত মাৰী বাই চানুৱে ২০২০ চনত ২০২ কেজি সফলভাৱে উত্তোলন কৰি ৰূপৰ পদক লাভ কৰিছিল।
মণিপুৰৰে আন এগৰাকী খেলুৱৈ যিয়ে এইবাৰ অলিম্পিকত ভাগ লব সেই গৰাকী হৈছে নীলকান্ত শৰ্মা। পুৰুষ হকী দলত আছে নীলকান্ত শৰ্মা। অৱশ্যে ৰিজাৰ্ভ খেলুৱৈ হিচাপে থাকিব নীলকান্ত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
