হাৰিও জয় কৰিলে দেশবাসীৰ মন, গভীৰ আঘাতে শেষৰ ৩৩ ছেকেণ্ডত লগাই দিলে খেলিমেলি
৮-২ত আগ্ৰগতি লাভ কৰি আছিল, সকলোৱে ভাবিছিল খেল খনত জয় নিশ্চিত ভাৰতৰ নিশা দহিয়াৰ। পাছে শেষৰ ৩৩ ছেকেণ্ডত হঠাতে সকলো সলনি হৈ পৰে। এক গভীৰ আঘাতৰ বাবে পৰাজয় স্বীকাৰ কৰিবলৈ বাধ্য হয় মল্লযুঁজাৰু নিশা। কিন্তু হাৰিলেও দেশবাসীৰ হৃদয় জয় কৰিলে মল্লযুঁজাৰুগৰাকীয়ে।
ভাৰতৰ তাৰকা মল্লযুঁজাৰু নিশা দহিয়াই কালি নিশা অনুষ্ঠিত হৈ যোৱা কোৱাৰ্টাৰ ফাইনেলত পৰাজয়ৰ সন্মুখীন হ’বলগীয়া হয়। মহিলাৰ ৬৮ কেজি ওজনৰ শাখাত উত্তৰ কোৰিয়াৰ পাক ছল গামৰ সৈতে মুখামুখি হৈছিল। কিন্তু এই প্ৰতিযোগিতা নিশাৰ বাবে অত্যন্ত বেদনাদায়ক বুলি প্ৰমাণিত হয়।
তিনি মিনিটৰ অন্তত ৮-১ পইণ্টত অগ্ৰগতি লাভ কৰি আছিল নিশা। বিৰুধিৰ বাবে অতি কঠিন আছিল খেল জয় কৰাটো। তাৰ পাছত উত্তৰ কোৰিয়াৰ মল্লযুঁজাৰুগৰাকীয়ে নিশাক মেটৰ পৰা বাহিৰ কৰি দি কোনোমতে আৰু ১ পইণ্ট লাভ কৰি স্ক’ৰ ৮-২ কৰে।
মেচ শেষ হ’বলৈ ৩৩ ছেকেণ্ড বাকী থকাৰ সময়ত নিশা আঘাতপ্ৰাপ্ত হয়। মেচ বন্ধ কৰি হাতত বেণ্ড লগাই লয় নিশাই। কিন্তু বেণ্ড বান্ধি খেলাটো নিশাৰ বাবে কিছু কঠিন হৈ পৰে। যেতিয়া মেচ শেষ হ’বলৈ ১২ ছেকেণ্ড বাকী আছিল। তাৰ পিছত নিশাই আৰু বেছি বিষ অনুভৱ কৰিবলৈ ধৰে আৰু মেচখন আকৌ বন্ধ হৈ যায়। সেই আঘাতৰ সুযোগ লৈ বিৰোধীতে আঘাত পোৱা অংশতেই আঘাত কৰি নিশাত অধিক কষ্ট দি পইণ্ট সংগ্ৰহ কৰে।
শেষত আৰু খেলিব নোৱাৰা হৈ পৰে নিশা। যদিহে খেল খনত স্ক’ৰ ৮-৮ত সমতাত থাকিলহেঁতেন তেন্তে নিশা ছেমি ফাইনেলত প্ৰৱেশ কৰিলেহেঁতেন। কিন্তু শেষৰ ১২ ছেকেণ্ডত উত্তৰ কোৰিয়াৰ মল্লযুঁজাৰুগৰাকীয়ে আৰু পইণ্ট সংগ্ৰহ কৰি ১০-৮ত জয়লাভ কৰে।
এনে পৰাজয়ৰ পাছতে মেটতে হুকহুকাই কান্দি উঠে নিশা। নিশাৰ এনে অৱস্থা সমগ্ৰ খেলুৱৈ সমাজেও শোক প্ৰকাশ কৰে। কিয়নো জয়ী হোৱা খেলত খনত আঘাতে সকলো সলাই পেলাই। নিশাক যি খেলুৱৈয়ে প্ৰথমে সামান্যতমো লৰাব পৰা নাছিল, সেই খেলুৱৈয়ে শেষত নিশাৰ আঘাতৰ সুযোগ লৈ জয় হয়। তেনে জয়ক এতিয়া বহু জনে মিছা জয় আখ্যা দিছে আৰু ভাৰতৰ নিশাক প্ৰকৃত বিজয়ী আখ্যা দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
