আহিন মাহৰ কৃষ্ণ পক্ষৰ অমাবস্যা তিথিত সৰ্বপিতৃ অমাবস্যা৷ এই তিথিতেই মহালয়া৷ এই দিনটোতেই পিতৃপক্ষৰ অৱসান ঘটি দেৱীপক্ষৰ সূচনা হয়৷ হিন্দু ধৰ্মত মহালয়াৰ বিশেষ মাহাত্ম্য আছে৷ কাৰণ এই দিনটোতেই পূৰ্বপুৰুষৰ উদ্দেশ্যে তৰ্পণ, শ্ৰাদ্ধকৰ্ম, দানপূণ্য কৰা হয়৷ শাস্ত্ৰমতে সৰ্বপিতৃ অমাবস্যা বা মহালয়াত নিজৰ ৰাশি মানি দান কৰাটো অত্যন্ত শুভ৷ ইয়াৰ ফলত পূৰ্বপুৰুষসকল শীঘ্ৰেই প্ৰসন্ন হয়৷ ব্যক্তিৰ জীৱনৰ পৰা সকলো সমস্যাৰেই অৱসান ঘটে৷ কাইলৈ মহালয়া৷ মহালয়াৰ দিনটোত কোন ৰাশিৰ জাতকে কি দান কৰিলে শুভ ফল পাব?
মেষ ৰাশি
মেষ ৰাশিৰ অধিপতি গ্ৰহ হৈছে মঙল৷ সৰ্বপিতৃ অমাবস্যাত মাটি, ৰঙা বস্তু, ফল, পোছাক, তামৰ বাচন দান কৰিব পাৰে৷ ইয়াৰোপৰি এই দিনটোত আপুনি দৰিদ্ৰসকলকো খাদ্য দিব পাৰে৷
বৃষ ৰাশি
জ্যোতিষ পৰামৰ্শ অনুসৰি বৃষ ৰাশিৰ জাতকে মহালয়াৰ দিনা পায়স, চাউল, গাখীৰ দান কৰাটো শুভ৷ বগা কাপোৰো দান কৰিব পাৰে৷
মিথুন ৰাশি
সৰ্বপিতৃ অমাবস্যাৰ দিনা আমলখি, আঙুৰ, মগু দাইল, প্ৰবাল দান কৰিলে শুভ৷ চৰাইকো খাদ্য খোৱাব কৰিব পাৰে৷
কৰ্কট ৰাশি
সৰ্বপিতৃ অমাবস্যাৰ দিনা কৰ্কট ৰাশিৰ জাতকে নাৰিকল, ধান দান কৰাৰ ওপৰিও গোটা বাদাম প্ৰবাহিত পানীত উটোৱাই দিলে সুফল পাব৷ দৰিদ্ৰলোকক খাদ্য খোৱাব পাৰে৷
সিংহ ৰাশি
এই ৰাশিৰ অধিপতি হৈছে সূৰ্য৷ এই ৰাশিৰ লোকে সৰ্বপিতৃ অমাবস্যাত সোন, খেজুৰ, অন্ন দান কৰাটো শুভ৷ ইয়াৰোপৰি এই তিথিত পূৰ্বপুৰুষৰ নামত শ্ৰাদ্ধ আৰু তৰ্পণ কৰক৷
কন্যা ৰাশি
কন্যা ৰাশিৰ লোকে মহালয়াৰ দিনা গুড় দান কৰিব পাৰে৷ ইয়াৰোপৰি আমলখি, মগু দাইল, আঙুৰ আৰু বগা পোছাক দান কৰিব পাৰে৷ এই তিথিত কাপোৰ দান কৰাটো শুভ৷ দৰিদ্ৰ অসহায় লোকক ভোজন আগবঢ়াব পাৰে৷
তুলা ৰাশি
শুক্ৰ এই ৰাশিৰ অধিপতি৷ এই ৰাশিৰ লোকে বগা কাপোৰ, ফল, ৰসগোল্লা, চাউল, গাখীৰেৰে তৈয়াৰী ভোজন আগবঢ়াব পাৰে৷ পায়সো দান কৰিব পাৰে৷
বৃশ্চিক ৰাশি
সৰ্বপিতৃ অমাবস্যাত দক্ষিণাসহ মাটিৰ ঢেলা দান কৰক৷ সম্ভৱ হ’লে ভূমি দানো কৰিব পাৰে৷ ইয়াৰোপৰি মছুৰ দাইল, ৰঙা পোছাক, গুড় দান কৰাটো শুভ৷ পূৰ্বপুৰুষৰ নামেৰে ৫গৰাকী দৰিদ্ৰ ব্যক্তিক দুই ৰঙৰ কম্বল বা গৰম পোছাক বিতৰণ কৰক৷
ধনু ৰাশি
এই ৰাশিৰ অধিপতি বৃহস্পতি৷ সৰ্বপিতৃ অমাবস্যাৰ দিনা ৰাম লিখা পোছাক, ধৰ্মীয় গ্ৰন্থ দান কৰক৷ তীৰ্থক্ষেত্ৰত দৰিদ্ৰসকলক খাদ্য দিয়ক৷
মকৰ ৰাশি
মকৰ ৰাশিৰ জাতকে সৰ্বপিতৃ অমাবস্যাত তিলৰ তেল, ক’লা তিল দান কৰক৷ পূৰ্বপুৰুষৰ নামত শনি মন্দিৰত দৃষ্টিহীন আৰু দিব্যাংগসকলক খাদ্য খোৱাওক৷
কুম্ভ ৰাশি
শনিৰ প্ৰিয় ৰাশি কুম্ভৰ জাতকসকলে মহালয়াত তিল তেল, কলা তিল, তেলেৰে তৈয়াৰ কৰা খাদ্যদ্ৰব্য দান কৰা উচিত৷ ইয়াৰোপৰি ১১টা নাৰিকল লৈ পূৰ্বপুৰুষৰ স্মৰণ কৰি এই নাৰিকল প্ৰবাহিত পানীত উটোৱাই দিয়ক৷
মীন ৰাশি
মীন ৰাশিৰ অধিপতি বৃহস্পতি৷ সৰ্বপিতৃ অমাবস্যাৰ দিনা গীতা, ৰামায়ণ দান কৰক৷ ইয়াৰোপৰি হালধীয়া ৰঙৰ পোছাক দান কৰিব পাৰে৷ দৰিদ্ৰ অসহায়সকলক গাখীৰেৰে তৈয়াৰ কৰা খাদ্য দান কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
