খবৰ পাইছেনে, ২০৫ যাত্ৰীসহ পাইলট অবিহনে ১০ মিনিট মাজ আকাশত উৰি থাকিল বিমান, কিন্তু..
খবৰ পুৰণি, যদিও পুনৰ চৰ্চালৈ আহিছে এক খবৰ। ২০২৪ চনৰ ১৭ ফেব্ৰুৰীত সংঘটিত হোৱা এক শিহৰণকাৰী ঘটনা। পাইলট নোহোৱাকৈয়ে ১০ মিনিট সময় মাজ আকাশত উৰি থাকি এখন যাত্ৰীভৰ্তি বিমান। ঘটনাৰ সময়ত বিমানখনত আছিল ১৯৯ যাত্ৰী আৰু ৬ গৰাকী ক্ৰুৰ সদস্য, মুঠ ২০৫ গৰাকী।
এই ঘটনা জাৰ্মানীৰ। লুফথানছাৰ এখন বিমান জাৰ্মানীৰ ফ্ৰেংকফৰ্টৰ পৰা স্পেইনৰ চেভিললৈ উৰা মাৰিছিল। যাত্ৰাৰ সময়ত বিমানখনত দুগৰাকী পাইলট আছিল।যি অন্য বিমানৰ দৰেই একেবাৰে সাধাৰণ কথা। সকলো ঠিক মতেই চলি আছিল।
দুই পাইলটৰ এগৰাকী পাইলট শৌচাগাৰলৈ যাওতে সংঘটিত হয় এক ভয়ংকৰ ঘটনা। ককপিটৰ ভিতৰত থকা পাইলটৰ হঠাতে গা বেয়া কৰি দিয়ে। হাৰ্ট এটেক হৈ লগে লগে অচেতন হৈ ককপিটৰ ভিতৰৰ পাইলট। ইফালে শৌচাগাৰৰ পৰা আহি ককপিটৰ দৰ্জা খুলিব নোৱাৰি অসুস্থ পাইলটৰ সৈতে সংযোগ স্থাপনৰ চেষ্টা কৰে দৰ্জা খুলি দিবলৈ।
কিন্তু ভিতৰত থকা পাইলটৰ পৰা নাহে কোনো সহাৰি। লগে লগে লাগি যায় হাহাকাৰ। ভিতৰৰ থকা পাইলটৰ হাৰ্ট এটেক হোৱাৰ ফলত পাইলট অবিহনেই ১০ মিনিটৰো অধিক সময় পাইলট নোহোৱাকৈ উৰি থাকে মাজ আকাশত।
বাহিৰৰৰ পৰা বহু চেষ্টা কৰিয়ো বাৰে বাৰে বিফল হয় ককপিটৰ দৰ্জা খুলিবলৈ। অৱশেষত বাহিৰৰ পৰা জৰুৰীকালীন ক’ড টাইপ কৰি দুৱাৰখনৰ লক খুলিব পাৰে। কিন্তু তাৰ পাছতো দৰ্জা খন ভালদৰে খোল নাখাই, সহ-পাইলটে অসুস্থ হৈ থকাৰ পিছতো ভিতৰৰ পৰা কোনোমতে খুলি দিলে দৰ্জা।
যাৰ ফলত ৰক্ষা পৰে সকলো যাত্ৰীৰে জীৱন। আৰু এজন পাইলটে নিৰ্দিষ্ট ঠাইত অৱতৰণ কৰাৰ সলনি হাৰ্ট এটেক হোৱা পাইলটৰ কথা ভাৱি জৰুৰীকালীনভাৱে অপৰিকল্পিতভাৱে অন্য ঠাইত অৱতৰণ কৰাৰ সিদ্ধান্ত লয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
