সপোনৰ এখন ঘৰৰ পৰিকল্পনা কোনেনো নকৰে? কিন্তু এখন ঘৰ নিৰ্মাণ কৰিবৰ বাবে প্ৰচুৰ পৰিমাণৰ ধনৰ প্ৰয়োজন হয়৷ বহু ধন একেলগে উলিওৱাৰ পৰিস্থিতিও সকলো সময়তে নাথাকে৷ তেতিয়া প্ৰায়সংখ্যকেই হোম লোন লোৱাৰ কথা চিন্তা কৰে৷ হোম লোন ল’লে মাহিলী EMIৰ মাধ্যমেৰে সেই ধন বেংকক পৰিশোধ কৰিব লাগে গ্ৰাহকে৷
ধৰা হ’ল কোনোৱে ষ্টেট বেংক অৱ ইণ্ডিয়াৰ পৰা ৩০ বছৰৰ বাবে ৪০ লাখ টকাৰ হোম লোণ লৈছে৷ তেন্তে তেওঁ প্ৰতি মাহে কিমান টকাকৈ EMI ভৰিব লাগিব? EMI ৰ পৰিমাণ নিৰ্ভৰ কৰে সুদৰ ওপৰত৷ আকৌ সুদৰ হাৰ ঠিক হয় ছিবিল স্কৰৰ ওপৰত ভিত্তি কৰিব৷
ছিবিল স্ক’ৰ বা ক্ৰেডিট স্ক’ৰ বেছি হ’লে কম সুদৰ হাৰত ঋণ পোৱা যায়৷ সাধাৰণতে ছিবিল স্ক’ৰ ৩০০ ৰ পৰা ৯০০ পয়েণ্টৰ ভিতৰত গণনা কৰা হয়৷ বিশেষজ্ঞসকলৰ মতে গ্ৰাহকৰ ছিবিল স্ক’ৰ যদি কমপক্ষে ৭৫০ৰ ওপৰত হয় তেন্তে তেওঁ সহজেই ঋণ পাব পাৰে৷ বেংকসমূহে প্ৰাথমিক সুদৰ হাৰত ঋণ অফাৰ কৰে৷ ছিবিল স্কোৰ উন্নত কৰিবলৈ গ্ৰাহকে আৰ্থিক লেনদেন আৰু অৰ্থ প্ৰদানৰ ক্ষেত্ৰত শৃংখলাবদ্ধ হব লাগে৷ ছিবিল স্কোৰ বেয়া হয় ঋণ পোৱাৰ সম্ভাৱনা কম৷ ঋণ পালেও সুদৰ হাৰ বেছি হয়৷
SBI অৰ্থাৎ ষ্টেট বেংক অফ ইণ্ডিয়াই হোম লোণৰ ক্ষেত্ৰত প্ৰতি বছৰে ৮ শতাংশ সুদত ঋণ অফাৰ কৰে৷ এক নজৰত জানি থওক ষ্টেট বেংক অফ ইণ্ডিয়াৰ পৰা ৩০ বছৰৰ বাবে ৪০ লাখ টকাৰ হোম লোন ল’লে প্ৰতি মাহত ছেলাৰি কিমান হোৱাটো প্ৰয়োজন? ষ্টেট বেংক অফ ইণ্ডিয়াৰ পৰা ৪০ লাখ টকাৰ হোম লোন লোৱাৰ বাবে ব্যক্তি এজন মাহিলী দৰমহা ন্যূনতম ৫৯০০০ টকা হ’ব লাগে৷ EMIৰ বিষয়ে যদি চোৱা যায় ষ্টেট বেংক অফ ইণ্ডিয়াৰ পৰা হোম লোনৰ ক্ষেত্ৰত ৩০ বছৰত ৪০ লাখ টকাৰ বাবে প্ৰতি মাহত ২৯৫০০ টকা EMI দিব লাগিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
