প্ৰধানমন্ত্ৰী আৱাস যোজনা কেন্দ্ৰীয় চৰকাৰৰ এক গুৰুত্বপূৰ্ণ আঁচনি। ইয়াৰ উদ্দেশ্য দেশৰ কেঁচা ঘৰত বসবাস কৰা বা গৃহহীন নাগৰিকক পকী ঘৰৰ ব্যৱস্থা কৰা। এই আঁচনিৰ অধীনত নগৰ আৰু গ্ৰাম্য অঞ্চলৰ কম আয়ৰ পৰিয়াল, অৰ্থনৈতিকভাৱে দুৰ্বল অংশ (ই ডব্লিউ এছ) আৰু মধ্য আয় গোটৰ (এম আই জি) লোকসকলক নতুন ঘৰ নিৰ্মাণ বা পুৰণি ঘৰ সংস্কাৰৰ বাবে আৰ্থিক সাহায্য আৰু গৃহ ঋণৰ সুতৰ ৰাজসাহায্য প্ৰদান কৰা হয়।
আবেদনৰ বাবে প্ৰয়োজনীয় নথি-পত্ৰ আৰু যোগ্যতা
এই আঁচনিৰ সুবিধা লাভ কৰিবলৈ আবেদনকাৰী ভাৰতৰ নাগৰিক হ’ব লাগিব। দেশৰ কোনো ঠাইতে তেওঁৰ পৰিয়ালৰ নামত কোনো পকী ঘৰ থাকিব নালাগিব। ইয়াৰ উপৰিও আবেদন প্ৰক্ৰিয়া আৰম্ভ কৰাৰ আগতে কিছুমান গুৰুত্বপূৰ্ণ নথি প্ৰস্তুত কৰিব লাগে। সেইবোৰ হ’ল—
আবেদনকাৰীৰ আধাৰ কাৰ্ড
- বেংক একাউণ্টৰ সবিশেষ (পাছবুক)
- আয়ৰ প্ৰমাণ পত্ৰ
- জাতিৰ প্ৰমাণ পত্ৰ (যদি প্ৰযোজ্য হয়)
- বাসস্থানৰ প্ৰমাণ পত্ৰ
- আধাৰ আৰু বেংক একাউণ্টত পঞ্জীয়ন কৰা মোবাইল নম্বৰ
অনলাইনত কেনেকৈ আবেদন কৰিব:
- নগৰীয়া হিতাধিকাৰীসকলে প্ৰকল্পটোৰ চৰকাৰী পৰ্টেল (pmaymis.gov.in)ত গৈ সহজেই অনলাইন আবেদন কৰিব পাৰিব। পৰ্টেলত ‘নাগৰিক মূল্যায়ন’ বিকল্প নিৰ্বাচন কৰি ‘অনলাইনত আবেদন কৰক’ত ক্লিক কৰক।
- আপোনাৰ শিতান নিৰ্বাচন কৰাৰ পিছত আপুনি আপোনাৰ আধাৰ নম্বৰ আৰু নাম পৰীক্ষা কৰিব লাগিব। প্ৰক্ৰিয়াটো সম্পূৰ্ণ হ’লেই এখন আবেদন প্ৰ-পত্ৰ খোল খাব।
- তাত আপুনি আপোনাৰ ব্যক্তিগত তথ্য, আয় আৰু বেংকৰ তথ্য পূৰণ কৰি আবেদন জমা দিব লাগিব। প্ৰক্ৰিয়াটো সম্পূৰ্ণ হোৱাৰ পিছত এটা আবেদন নম্বৰ দিয়া হ’ব, যাৰ জৰিয়তে আবেদনৰ অৱস্থা অনুসৰণ কৰিব পৰা যাব।
অফলাইন আবেদন আৰু গ্ৰামাঞ্চলৰ হিতাধিকাৰীৰ বাবে বিকল্প
যদি আপুনি অনলাইনযোগে প্ৰ-পত্ৰ পূৰণ কৰিব নোৱাৰে তেন্তে ওচৰৰ জন সেৱা কেন্দ্ৰ (CSC)ত গৈ সামান্য মাচুল বিনিময়ত আবেদন পত্ৰ পূৰণ কৰিব পাৰে। গ্ৰামাঞ্চলৰ বাসিন্দাসকলে তেওঁলোকৰ গ্ৰাম পঞ্চায়তৰ সম্পাদক, প্ৰধান বা স্থানীয় পঞ্চায়ত কাৰ্যালয়ৰ সৈতে যোগাযোগ কৰিব পাৰে। লগতে, প্ৰকল্পটোৰ সৈতে জড়িত যিকোনো সমস্যা বা তথ্যৰ বাবে কোনোবাই টোল ফ্ৰী নম্বৰত যোগাযোগ কৰিব পাৰে বা সংশ্লিষ্ট পৌৰসভা বা জিলা কাৰ্যালয়ৰ পৰা সহায় ল’ব পাৰে।
PMAY-U 2.0 ৰ অধীনত ঘৰৰ বাবে কেনেকৈ আবেদন কৰিব?
- প্ৰথমে প্ৰধানমন্ত্ৰী আৱাস যোজনাৰ (নগৰীয়া) অফিচিয়েল ৱেবছাইট pmay-urban.gov.in বা pmaymis.gov.in লৈ যাওক।
- নাগৰিক মূল্যায়ন বিকল্প বাছক
- ৱেবছাইটৰ হোমপেজত দিয়া ‘নাগৰিক মূল্যায়ন’ টেবত ক্লিক কৰক।
- আপোনাৰ উপযুক্ত শ্ৰেণী নিৰ্বাচন কৰক।
- আপোনাৰ প্ৰয়োজন অনুসৰি সঠিক বিকল্প বাছি লওক।
- BLC (Beneficiary Led Construction) যদি আপোনাৰ নিজৰ মাটি আছে আৰু নতুন ঘৰ সাজিব বিচাৰে তেন্তে এই বিকল্পটো বাছি ল’ব পাৰে।
- AHP (Affordable Housing in Partnership) যদি আপুনি কোনো ডেভেলপাৰ বা চৰকাৰী সংস্থাৰ জৰিয়তে ফ্লেট কিনিব বিচাৰে তেন্তে এই বিকল্প প্ৰযোজ্য।
- ISS (Interest Subsidy Scheme) যদি আপুনি হোম লোনৰ সুতৰ ওপৰত ৰাজসাহায্যৰ সুবিধা ল’ব বিচাৰে তেন্তে এই বিকল্পটো বাছি ল’ব লাগিব।
আধাৰৰ বিৱৰণ আৰু অ’টিপি সত্যাপন
আপোনাৰ ১২ সংখ্যাৰ আধাৰ নম্বৰ আৰু নাম দিয়ক। আধাৰৰ সৈতে সংযুক্ত মোবাইল নম্বৰত প্ৰেৰণ কৰা অ’টিপিৰ সৈতে পৰীক্ষণ প্ৰক্ৰিয়া সম্পূৰ্ণ কৰক।
আবেদন পত্ৰ পূৰণ কৰক
- পৰীক্ষণ সম্পূৰ্ণ হোৱাৰ পিছত আবেদন পত্ৰ খোল খাব। তলত দিয়া তথ্যসমূহ সঠিকভাৱে পূৰণ কৰিব লাগিব-
ব্যক্তিগত তথ্য: আবেদনকাৰীৰ নাম, পিতৃ/স্বামীৰ নাম, বৰ্তমান আৰু স্থায়ী ঠিকনা। - পৰিয়ালৰ বিৱৰণ: পৰিয়ালৰ সদস্যৰ সংখ্যা আৰু মহিলা সহ-মালিকত্ব সম্পৰ্কীয় তথ্য (যদি প্ৰযোজ্য)।
- আৰ্থিক বিৱৰণ: পৰিয়ালৰ বাৰ্ষিক আয় আৰু বৰ্তমান বসবাস কৰা ঘৰৰ অৱস্থা (কেঁচা/ভাড়াতীয়া ঘৰ)।
- বেংক একাউণ্টৰ সবিশেষ: বেংকৰ নাম, শাখা, আই এফ এছ চি ক’ড আৰু একাউণ্ট নম্বৰ, যাতে আৰ্থিক সাহায্য বা ৰাজসাহায্যৰ ধন পোনপটীয়াকৈ একাউণ্টত জমা কৰিব পৰা যায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
