অসম লাইভ২৪ঃ প্ৰধানমন্ত্ৰী কিষাণ সন্মান নিধি যোজনাৰ অধীনত ১২ কোটি কৃষকে লাভ কৰিব ধন৷ জুলাই মাহতেই ১৪সংখ্যক কিস্তিৰ ধন সোমাব কৃষকৰ একাউণ্টত৷ একাধিক সূত্ৰৰ খবৰ অনুসৰি চলিত মাহৰ ১৫ তাৰিখৰ ভিতৰতেই কৃষকৰ একাউণ্টত সোমাব ২০০০কৈ ধন৷ কিন্তু বিষয়টোক লৈ চৰকাৰী বিবৃতি বৰ্তমানো দিয়া হোৱা নাই৷ এই প্ৰকল্পৰ আওতাত থকা কৃষকে বাৰ্ষিক ৬০০০কৈ ধন লাভ কৰে৷ কৃষকসকলক আৰ্থিকভাৱে স্বাৱলম্বী কৰি তোলাৰ উদ্দেশ্যেই এই সিদ্ধান্ত লৈছে চৰকাৰে৷
১৩ সংখ্যক কিস্তি কেতিয়া লাভ কৰিছিল কৃষকে?
পিএম কিষাণ যোজনাৰ অধীনত ১৩ নম্বৰ কিস্তি ২৭ ফেব্ৰুৱাৰীত কৃষকৰ একাউণ্টত সোমাইছিল৷ এই যোজনাৰ অধীনত ৪কোটিৰো অধিক কৃষক লাভাম্বিত হৈছে৷ সমগ্ৰ দেশৰ কৃষকসকলৰ উদ্দেশ্যে প্ৰধানমন্ত্ৰী কিষাণ যোজনাৰ অধীনত ১৬,৮০০ কোটি ধন মোকলাই দিয়া হৈছিল৷ আনহাতে এই যোজনাৰ ১১ আৰু ১২ সংখ্যক কিস্তি প্ৰদান কৰা হৈছিল বিগত বৰ্ষৰ মে আৰু অক্টোবৰত৷
পি এম কিষাণ যোজনাৰ ধনৰ বাবে কেনেকৈ আৱেদন কৰিব?
আপুনিও যদি পিএম কিষাণ যোজনাৰ সুবিধাভোগী তেন্তে আপোনাৰ বেংক একাউণ্টৰ সৈতে আধাৰ লিংক অচিৰেই কৰক৷ এইক্ষেত্ৰত মনত ৰাখিব লাগিব যে ৰেজিষ্ট্ৰেছন কৰা কৃষকসকলৰ বাবে ই কেৱাইছি বাধ্যতামূলক৷ ই-কেৱাইছি নাথাকিলে কিন্তু ধন নাপাবও পাৰে গ্ৰাহকে৷ PM-Kisan পৰ্টেলত OTP ভিত্তিক eKYC উপলব্ধ৷ ইয়াৰোপৰি বায়মেট্ৰিক ভিত্তিক eKYCৰ বাবে নিকটতম CSC কেন্দ্ৰত গৈ যোগাযোগ কৰিব পাৰে৷ ইয়াৰোপৰি কোনোধৰণৰ অসুবিধাৰ সন্মুখীন হ’লে হেল্পলাইন নম্বৰ 155261/011-24300606ত যোগাযোগ কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
