মহাকুম্ভৰ সমাপ্তৰ পাছতে কিয় ক্ষমা খুজিলে প্ৰধানমন্ত্ৰীয়ে…!
প্ৰয়াগৰাজত ৪৫ দিন ধৰি চলি থকা মহাকুম্ভ মেলাৰ সামৰণি পৰিল কালি ২৬ ফেব্ৰুৱাৰী তাৰিখে। এই অনুষ্ঠানত কোটি কোটি ভক্তই বিশ্বাস আৰু ভক্তিৰে ত্ৰিবেণী সংগমত পবিত্ৰ স্নান কৰে। মহাকুম্ভৰ সামৰণি সন্দৰ্ভত প্ৰধানমন্ত্ৰী মোদীয়ে এটা ব্লগ লিখিছে, য’ত তেওঁ মহা কুম্ভক ‘ঐক্যৰ মহাযজ্ঞ’ বুলি অভিহিত কৰিছে। ইয়াৰ সমান্তৰালকৈ মহাকুম্ভৰ ব্যৱস্থা নোহোৱাৰ বাবেও তেওঁ জনসাধাৰণৰ ওচৰত ক্ষমা বিচাৰিছে।
কুম্ভমেলাত ব্যৱস্থা নথকাৰ বাবে ক্ষমা খুজি প্ৰধানমন্ত্ৰী মোদীয়ে লিখিছে, ‘মই জানো, ইমান বিশাল অনুষ্ঠান আয়োজন কৰাটো সহজ নাছিল। মা গংগা, মা যমুনা, মা সৰস্বতীক প্ৰাৰ্থনা জনাইছো। হে মা, আমাৰ পূজাত যদি কিবা অভাৱ হৈছে তেন্তে আমাক ক্ষমা কৰিব। মোৰ বাবে ভগৱানৰ ৰূপ হোৱা জনসাধাৰণে যদি মই ভক্তসকলৰ সেৱাত দূৰ্বল হৈ পৰিছো তেন্তে তেওঁলোকৰ পৰাও ক্ষমা বিচাৰিছো।
প্ৰধানমন্ত্ৰীগৰাকীয়ে লিখিছে, ‘বিগত কেইটামান দশকত যি পূৰ্বে কেতিয়াও হোৱা নাছিল। সেয়া আগন্তুক বহু শতিকাৰ বাবে ভেটি স্থাপন কৰি হৈছে। প্ৰয়াগৰাজত কল্পনা কৰাতকৈ বহু বেছি সংখ্যক ভক্তই উপস্থিত হৈছিল। প্ৰশাসনেও পূৰ্বৰ কুম্ভমেলাৰ পৰা লোৱা অভিজ্ঞতাৰ ভিত্তিত এই অনুমান কৰিছিল যদিও আমেৰিকাৰ দৰে দেশৰ জনসংখ্যাৰ হিচাপতকৈ প্ৰায় দুগুণ জনসংখ্যাই এই ঐক্যৰ মহান কুম্ভত অংশগ্ৰহণ কৰি পবিত্ৰ স্নান কৰিছিল।
মোদীয়ে কয় যে প্ৰয়াগৰাজত অনুষ্ঠিত এই মহা কুম্ভ অনুষ্ঠানটো আধুনিক যুগৰ পৰিচালনা পেছাদাৰী, পৰিকল্পনা আৰু নীতি বিশেষজ্ঞসকলৰ বাবে অধ্যয়নৰ বিষয় হৈ পৰিছে। আজি সমগ্ৰ বিশ্বতে ইমান বৃহৎ পৰিঘটনাৰ তুলনা নাই; আজি নিজৰ ঐতিহ্যক লৈ গৌৰৱান্বিত ভাৰত নতুন শক্তিৰে আগবাঢ়িছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
