প্ৰধানমন্ত্ৰী মোদীৰ ঘৰলৈ নতুন আলহী ‘দীপজ্যোতি’
প্ৰধানমন্ত্ৰী নৰেন্দ্ৰ মোদীৰ বাসগৃহত উপস্থিত হৈছে নতুন অতিথি। এই তথ্য খোদ প্ৰধানমন্ত্ৰীয়ে ছচিয়েল মিডিয়াৰ জৰিয়তে দেশবাসীক দিছে। নতুন আলহীৰ নাম দীপজ্যোতি।
সামাজিক মাধ্যমত কেইবাখনো ফটো আৰু ভিডিঅ’ শ্বেয়াৰ কৰি এই কথা সদৰি কৰি প্ৰধানমন্ত্ৰীয়ে। প্ৰধানমন্ত্ৰীয়ে এই কথা শ্বেয়াৰ কৰি কয় যে, তেওঁৰ বাসগৃহত থকা এটা গৰুৱে এই পোৱালিটো জন্ম দিছে। এই পোৱালীটোৰেই নাম দীপজোতি ৰাখিছে ।
প্ৰধানমন্ত্ৰীয়ে নতুন অতিথিৰ ফটো শ্বেয়াৰ কৰি লিখিছে, “আমাৰ শাস্ত্ৰত কোৱা হৈছে – গাৱ: সৰ্বসুখ প্ৰদাহ”। লোক কল্যাণ মাৰ্গত প্ৰধানমন্ত্ৰী সদন পৰিয়ালত এজন নতুন সদস্যৰ শুভ আগমন। প্ৰধানমন্ত্ৰীৰ বাসগৃহত মৰমৰ মাতৃ গৰুটোৱে এটা নতুন পোৱালি জন্ম দিছে, যাৰ কপালত পোহৰৰ চিন আছে। গতিকে, নাম দিলোঁ ‘দীপজ্যোতি'”।
প্ৰধানমন্ত্ৰী নৰেন্দ্ৰ মোদীৰ এই ভিডিঅ’টো ৰাইজে বহুত লাইক কৰিছে। গৰুৰ পোৱালিটোৰ প্ৰতি তেওঁৰ মৰম আৰু মোহে মানুহৰ হৃদয় চুই গৈছে। এই ভিডিঅ’টো মাথো ৫০ মিনিটতে প্ৰায় তিনি লাখ লোকে চালে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
