প্ৰধানমন্ত্ৰী নৰেন্দ্ৰ মোদীয়ে অসমলৈ আহিব৷ অহা ২৮ এপ্ৰিলত প্ৰধানমন্ত্ৰী নৰেন্দ্ৰ মোদীয়ে অসম অহাৰ কথা ইতিমধ্যে মুখ্যমন্ত্ৰী ডঃ হিমন্ত বিশ্ব শৰ্মাই প্ৰকাশ কৰিছে৷
অসমলৈ আহি প্ৰধানমন্ত্ৰী নৰেন্দ্ৰ মোদীয়ে কে’বাখনো কেঞ্চাৰ হাস্পতাল উদ্ধোধন কৰিব৷ মুখ্যমন্ত্ৰী ডঃ শৰ্মাই প্ৰকাশ কৰা মতে প্ৰধানমন্ত্ৰী মোদীয়ে ৭ খনকৈ কেঞ্চাৰ হাস্পতাল উদ্বোধন কৰাৰ লগতে ৰাজ্যৰ বিভিন্ন ঠাইত নিৰ্মাণ কৰিবলগীয়া আৰু ৭ খন কেঞ্চাৰ হাস্পতালৰ ভাৰ্চুৱেলি আধাৰশিলাও স্থাপন কৰিব৷
লগতে পঢ়ক মোক্ষম আঘাত লাভ ৰাছিয়াৰ : ৩০ গৰাকী ৰুছ ৰাষ্ট্ৰদূতক বহিষ্কাৰ
প্ৰধানমন্ত্ৰী মোদীয়ে ডিব্ৰুগড়স্থিত অসম চিকিৎসা মহাবিদ্যালয় আৰু চিকিৎসালয়ত নিৰ্মাণ কৰা কেঞ্চাৰ হাস্পতালখনৰ লগতে ভাৰ্চুৱেলি আন ৬ খন কেঞ্চাৰ হাস্পতাল শুভ উদ্বোধন কৰিব৷
মুখ্যমন্ত্ৰী ডঃ হিমন্ত বিশ্ব শৰ্মাই টুইট কৰি জনোৱা অনুসৰি ২৮ এপ্ৰিলত প্ৰধানমন্ত্ৰী নৰেন্দ্ৰ মোদীয়ে ৰাজ্যত নিৰ্মাণ কাৰ্য চলি থকা ১০ খন কেঞ্চাৰ হাস্পতালৰ ভিতৰত ৭ খন ডিব্ৰুগড়ৰ পৰা শুভ উদ্বোধন কৰিব৷ আনহাতে আন ৭ খন কেঞ্চাৰ হাস্পতালৰ আধাৰশিলাও স্থাপন কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
