অসম লাইভ২৪ঃ গুজৰাটৰ ৰাজপথ সাক্ষী হ’ল এটি বিশেষ ঘটনাৰ৷ গুজৰাটৰ ৰাজপথত প্ৰধানমন্ত্ৰী মোদীৰ দীঘলীয়া কনভয়৷ তেনেতেই হঠাতেই প্ৰধানমন্ত্ৰীৰ কনভয়ৰ কাষত দেখা গ’ল এখন এম্বুলেঞ্চ৷ সচৰাচৰ দেশৰ প্ৰধানমন্ত্ৰীৰ কনভয় আহিলে এম্বুলেঞ্চো ৰখাই দিয়া হয়৷ কিন্তু এইবাৰ তেনে নহ’ল৷ এম্বুলেঞ্চৰ পৰিবৰ্তে ৰৈ দিলে প্ৰধানমন্ত্ৰীৰ কনভয়হে৷
গুজৰাট ৰাজ্যিক বিজেপিৰ পেজত ভাইৰেল হৈছে প্ৰধানমন্ত্ৰীৰ কনভয় ৰৈ দিয়াৰ এই বিশেষ ভিডিঅ’টো৷ এম্বুলেঞ্চৰ বাবেই প্ৰধানমন্ত্ৰীৰ কনভয় হঠাতেই ৰৈ দিয়ে৷ এম্বুলেঞ্চখন পাৰ হৈ যোৱাৰ পিছতহে প্ৰধানমন্ত্ৰীৰ কনভয়ৰ গাড়ী সচল হয়৷
গুজৰাট বিজেপিয়ে প্ৰকাশ কৰা অনুযায়ী শুকুৰবাবে দিনৰ ভাগত আহমেদাবাদৰ পৰা গান্ধীনগৰৰ দিশে গতি কৰোতে প্ৰধানমন্ত্ৰীৰ কনভয়ৰ কাষত এম্বুলেঞ্চখন প্ৰত্যক্ষ কৰে প্ৰধানমন্ত্ৰী মোদীয়ে৷ লগে লগেই তেওঁ কনভয়কৰৈ দিবৰ বাবে নিৰ্দেশ দিয়ে৷ আহমেদাবাদ আৰক্ষীয়ে জনোৱা অনুসৰি গান্ধীনগৰৰ ৰাজভৱনৰ কিছু নিলগত এনেদৰে ৰৈ দিয়ে প্ৰধানমন্ত্ৰীৰ কনভয়৷
বিগত আগষ্ট মাহত তামিলনাডুৰ ডিএমকেৰ মন্ত্ৰী অনাবিল মহেশৰ কনভয় পাৰ হৈ যাওঁতে এম্বুলেঞ্চ ৰখাই থোৱাৰ বাবে চছিয়েল মিডিয়াত হৈছিল বিতৰ্ক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
