যদি আপুনি নিৰাপদ বিনিয়োগৰ সৈতে ভাল ৰিটাৰ্ণ বিচাৰিছে, তেন্তে চৰকাৰী বেংক পঞ্জাব নেচনেল বেংকৰ (পিএনবি) ৪৪৪ দিনীয়া ফিক্সড ডিপ’জিট (এফডি) আঁচনিখন আপোনাৰ বাবে এক আকৰ্ষণীয় বিকল্প হ’ব পাৰে।
বিশেষকৈ এই নিৰ্দিষ্ট কাৰ্যকালৰ বাবে বেংকে নিয়মীয়া এফডিতকৈ অধিক সুতৰ হাৰ আগবঢ়ায়। ২,৫০,০০০ টকা আপুনি যদি জমা ৰাখে তেন্তে মেচিউৰিটিৰ সময়ত কিমান পাব? পঞ্জাৱ নেচনেল বেংকৰ ৪৪৪ দিনীয়া ফিক্সড ডিপ’জিট (এফ ডি)ত সাধাৰণ গ্ৰাহকে বছৰি ৬.৬০% সুদ লাভ কৰে। জ্যেষ্ঠ নাগৰিকে অতিৰিক্ত ০.৫০% সুদৰ সংযোগ কৰি মুঠ ৭.১০% সুদ লাভ কৰে।
ছুপাৰ চিনিয়ৰ চিটিজেনৰ সুদৰ হাৰ আৰু বেছি, অৰ্থাৎ ৭.৪০%। অৰ্থাৎ বয়স অনুযায়ী গ্ৰাহকৰ বাবে বিভিন্ন সুদৰ সুবিধা ৰখা হৈছে, যাৰ ফলত এই আঁচনি অধিক আকৰ্ষণীয়৷ যদি কোনো সাধাৰণ গ্ৰাহকে ২,৫০,০০০ টকা বিনিয়োগ কৰে, তেন্তে মুঠ সুদ প্ৰায় ২০,৭২২ টকা হ’ব। মেচিউৰিটিৰ সময়ত মুঠ ধনৰাশি হ’ব ২,৭০,৭২২ টকা।
জ্যেষ্ঠ নাগৰিকে (৭.১০% সুতত) একেটা বিনিয়োগৰ ওপৰত প্ৰায় ২২,৩৪৫ টকা সুদ পাব। মেচিউৰিটিৰ সময়ত মুঠ ধনৰাশি হ’ব ২,৭২,৩৪৫ টকা। ছুপাৰ চিনিয়ৰ চিটিজেন (৭.৪০% সুতত) লাভ কৰিব প্ৰায় ২৩,৩২৩ টকা সুদ। মেচিউৰিটিৰ সময়ত মুঠ ধনৰাশি হ’ব ২,৭৩,৩২৩ টকা। অৰ্থাৎ বিনিয়োগ একে পৰিমাণৰ হ’লেও বয়সৰ ওপৰত নিৰ্ভৰ কৰি সুদৰ হাৰ বেছি হোৱাৰ বাবে ৰিটাৰ্ণৰো তাৰতম্য ঘটে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
