হাত-ভৰি বান্ধি মাৰপিট, ধৰ্ষ*ৰ ধমকি, আৰ্মি অফিচাৰৰ প্ৰেমিকাক আৰক্ষী থানাত এই আচৰণ
এগৰাকী আৰ্মি অফিচাৰৰ প্ৰেমিকাৰ সৈতে ক্ৰুৰতা ভৰা অভদ্ৰ আচৰণ আৰক্ষী থানাত। যুৱতীগৰাকীক হাত ভৰি বান্ধি মাৰপিট। লগতে ধৰ্ষণৰো ভাবুকি। এই ঘটনা সংঘটিত হৈছে ওড়িশাত।
ওড়িশাৰ ৰাজধানী ভূৱনেশ্বৰৰ পৰা সমুখলৈ আহিছে এই ভয়ংকৰ খবৰ। আৰক্ষী থানাৰ ভিতৰত এগৰাকী আৰ্মি অফিচাৰৰ হব লগীয়া পত্নীৰ সৈতে ক্ৰুৰতা।
ঘটনা সন্দৰ্ভত জানিব পৰা অনুসৰি আৰক্ষী থানা খনত ৰাজপথত সংঘটিত হোৱা এক নিৰ্যাতনৰ অভিযোগ দাখিল কৰিবলৈ বুলি গৈছিল আৰ্মি অফিচাৰ আৰু যুৱতীগৰাকী। তেতিয়াই অভদ্ৰ অসভ্য আচৰণ কৰে যুৱতীগৰাকীৰ সৈতে। কেৱল হাত-ভৰি বান্ধি মাৰপিটেই নহয়, পেন্ট খুলি ব্যক্তিগত অংগ দেখুওৱা আৰু ধৰ্ষণৰ ভাবুকি দিয়া বুলি অভিযোগ উত্থাপিত।
আৰক্ষীৰ এই অত্যাচাৰৰ বলি হোৱা আৰ্মি অফিচাৰগৰাকী সিখ ৰেজিমেণ্টৰ অংশ। আনহাতে যুৱতীগৰাকীৰ ভুৱনেশ্বৰতেই এখন ৰেষ্টোৰেণ্ট আছে লগতে এগৰাকী অধিবক্তাও। যুৱতীগৰাকীয়ে দিয়া ভাষ্য অনুসৰি এই ঘটনা যোৱা নিশা প্ৰায় ১ মান বজাৰ। ৰেষ্টোৰেণ্ট বন্ধ কৰি ঘৰলৈ বুলি উভতি গৈ আছিল। তেতিয়াৰ যাত্ৰা পথত কেইগৰাকীমান যুৱকে আগুৰি ধৰি দুৰ্ৱ্যবহাৰ কৰে যুৱতীগৰাকীৰ সৈতে।
সেই ঘটনাৰেই অভিযোগৰ বাবে থানাত গৈ উপস্থিত হয় যুৱতীগৰাকী। পোনেই উপস্থিত হয়গৈ ভৰতপুৰ থানাত। সেই সময়ত আৰক্ষীৰ পোচাকত উপস্থিত আছিল এগৰাকী মহিলা কনিষ্টবল। কনিষ্টবলগৰাকীয়ে আৰ্মি অফিচাৰ আৰু যুৱতীগৰাকীক বেয়া ব্যৱহাৰ কৰিবলৈ ধৰে। কিছু সময়ৰ পাছত আন কেইগৰাকীমান আৰক্ষীয়ো আহি উপস্থিত হয় থানাত।
কোনো কথাক লৈ আৰক্ষীৰ লোককেইগৰাকী খৰ্গহস্ত হৈ পৰে আৰু আৰ্মি বিষয়াগৰাকীক থানাৰ লকআপত ভৰাই দিয়ে। যুৱতীগৰাকীয়ে ইয়াৰ প্ৰতিবাদ কৰাত মহিলা কনিষ্টবলে যুৱতিগৰাকীক মাৰিবলৈ ধৰে আৰু ডিঙিত টেপা মাৰি ধৰে। তেতিয়া যুৱতীগৰাকীয়ে প্ৰাণ ৰক্ষাৰ বাবে হাতত কামুৰি দিয়ে।
যি কাৰ্যত অধিক ক্ৰোধ কৰি যুৱতীগৰাকীক হাত ভৰি বান্ধি এটা কোঠাত ভৰাই থৈ দিয়ে। তাতেই কিছু সময় পাছত এগৰাকী পুৰুষ আৰক্ষী সোমাই গৈ কেইবাবাৰো যুতীৰ বুকু আৰু পেটত লাঠ মাৰে। লগতে যুৱতীৰ পিন্ধি থকা পেণ্ট খুলি দি নিজেও নিজৰ পেণ্ট খুলি লৈ অংগ প্ৰদৰ্শন কৰিবলৈ ধৰি ধৰ্ষণৰ ভাবুকি দিয়ে।
পাছত সমগ্ৰ ঘটনা পোহৰলৈ অহাত সষ্টম হৈ পৰে প্ৰশাসন। আৰ্মি অফিচাৰগৰাকীক থানাৰ পৰা মুকলি কৰি দিয়াৰ লগতে হাস্পতালত ভৰ্তি কৰাব লগা হয় যুৱতীগৰাকীক, অন্যান্য বহু জখমৰ লগতে হাত ভাঙে যুৱতীৰ।
লগতে এই সন্দৰ্ভত প্ৰশাসনৰ ফালৰ পৰা ব্যৱস্থা গ্ৰহণ কৰা হৈছে। ভাৰতপুৰ থানাৰ ৫ জন আৰক্ষীক নিলম্বন। নিলম্বিত বিষয়াসকলৰ ভিতৰত আছে আই আই চি দিনাকৃষ্ণ মিশ্ৰ, উপ পৰিদৰ্শক বৈছলিনী পাণ্ডা, এ এছ আই সলিলাময়ী সাহু, সাগৰিকা ৰাথ আৰু কনিষ্টবল বলৰাম হাণ্ডা।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
