এবাৰ দুবাৰ নহয়, ধমক দি অষ্টম শ্ৰেণীৰ ছাত্ৰীক বিদ্যালয়ৰে প্ৰধান শিক্ষকে কৰিলে কু-কাণ্ড
এগৰাকী অষ্টম শ্ৰেণীৰ পঢ়া ছাত্ৰীৰ সৈতে সেই বিদ্যালয়ৰে প্ৰধান শিক্ষকৰ কু-কাণ্ড। এবাৰ -দুবাৰ নহয়, ধমক দি কেইবাবাৰো ছাত্ৰীগৰাকীক কামনাৰ বলি সজালে লম্পট প্ৰধান শিক্ষকে। বহু দেৰিকৈহে পোহৰলৈ আহে এই সমষ্ট ঘটনা।
উত্তৰপ্ৰদেশৰ জৌনপুৰত সংঘটিত হৈছে এই ঘটনা। জৌনপুৰৰ এখন গাঁৱৰ চৰকাৰী বিদ্যালয় এখনত সংঘটিত হৈছে এই সমাজক লজ্জানত কৰা ঘটনা। দাবী-ধমকি দি বিদ্যালয়ৰ প্ৰধান শিক্ষকে কেইবাবাৰো ধৰ্ষণ কৰিলে বিদ্যালয়ৰে ১৪ বছৰীয়া অষ্টম শ্ৰেণীত অধ্যয়নৰত এগৰাকী ছাত্ৰীক।
পাছে সদ্যহতে কষ্টত থাকিব নোৱাৰি মাতৃৰ আগত সবিস্তাৰে সকলো প্ৰকাশ কৰে ভুক্তভোগী ছাত্ৰীগৰাকীয়ে। পৰিয়ালে সমগ্ৰ কথা জানিব পাৰি হতভম্ব হৈ পৰে। যি গৰাকী প্ৰধান শিক্ষকক অতদিনে শ্ৰদ্ধা আৰু ভক্তি কৰি আহিছিল, সেই শিক্ষকগৰাকীয়েই ধৰ্ষণ কৰি আহিছিল কনমানিক।
লগে লগে আৰক্ষীৰ কাষ চাপে পৰিয়াল। কিন্তু আৰক্ষীয়েও প্ৰথমে এই গোচৰ ৰুজু কৰাৰ সলনি দুয়ো পক্ষৰ মাজত ঘটনা সমাধানৰ বাবে চাইছিল। যি কথাত খৰ্গহস্ত হয় ভুক্তভোগী ছাত্ৰীৰ মাতৃ। ৩ দিনলৈ গোচৰ ৰুজু নকৰাত অৱশেষত এ এছ পিৰ কাষ চাপি পৰিয়াল।
এ এছ পি য়ে ঘটনা সন্দৰ্ভত জানিব পৰাৰ লগে লগে ঘটনা ৰুজু কৰি প্ৰধান শিক্ষকগৰাকীৰ বিৰুদ্ধে তদন্ত আৰম্ভ কৰে। পাছে পলাতক অৱস্থাত পাষণ্ড প্ৰধান শিক্ষক। লম্পট শিক্ষকৰ সন্ধানত নামি পৰিছে আৰক্ষী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
