আজিৰ সময়ত প্ৰত্যেকেই প্ৰচুৰ অৰ্থ উপাৰ্জন কৰিব খোজে৷ আপুনি যদি অলপ সঞ্চয় কৰিয়েই ডাঙৰ এটা ফাণ্ড তৈয়াৰ কৰিব খোজে তেন্তে পোষ্ট অফিচ ৰেকাৰিং ডিপোজিট স্কিম আপোনাৰ বাবে ভাল বিকল্প হব পাৰে৷ এই স্কিমত, একেবাৰে মূলধন ব্লক কৰাৰ প্ৰয়োজন নাই৷ ৰেকাৰিং ডিপোজিটত আপুনি মিউচুৱেল ফাণ্ড এছ আই পিৰ দৰে প্ৰতিমাহে অলপ পৰিমাণে ধন জমা কৰিব পাৰে৷ পোষ্ট অফিচৰ ৰেকাৰিং ডিপোজিটত একাউণ্ট খোলাৰ সুবিধা আছে৷ FDৰ দৰে ৰেকাৰিং ডিপোজিটৰ ওপৰত সুদো পোৱা যায়৷ ইয়াৰ সৈতে এটা দীৰ্ঘ সময়ৰ বিনিয়োগ কৰাৰ বাবেও আপোনাক উৎসাহিত কৰে৷
এই স্কিমত আপুনি বাৰ্ষিক ৬.৭ শতাংশ ৰিটাৰ্ণ পাব৷ ই চক্ৰবৃদ্ধি সুদ দিয়ে৷ অৰ্থাৎ আপুনি সুদৰ ওপৰতো সুদ পাব৷ এই পৰিস্থিতিত আপুনি যদি এই স্কিমত ৫ বছৰ ধৰি প্ৰতিমাহে ৫০০০ টকাকৈ বিনিয়োগ কৰে তেন্তে আপোনাৰ মুঠ ৩ লাখ বিনিয়োগ হব৷ ম্যাদপূৰ্তিত আপুনি মুঠ ৩৫৬৮৩০ টকা পাব৷ এই পৰিস্থিতিত আপুনি এই স্কিমত মুঠ ৫৬৮৩০ টকা লাভ পাব৷
পোষ্ট অফিচৰ RD স্কিম কি?
বিনিয়োগৰ দিশৰ পৰা পোষ্ট অফিচৰ RD স্কিমক ভাল বুলি ধাৰণা কৰা হয়৷ আপুনি ১০০ টকাৰ পৰাই ইয়াত একাউণ্ট খুলিব পাৰে৷ সৰ্বোচ্চ জমাৰ পৰিমাণৰ কোনো সীমা নাই৷ ১০ বছৰতকৈ বেছি বয়সীয়া এজন নাবালকৰ বাবেও তেওঁৰ পিতৃ মাতৃয়ে একাউণ্ট খুলিব পাৰে৷ ১৮ বছৰ বয়স পাৰ হোৱাৰ পাছত আৰু এখন কেৱাইচি ফৰ্ম পূৰণ কৰিব লাগে৷
কিন্তু পোষ্ট অফিচৰ আৰ ডিত ম্যাদ ৫ বছৰ৷ অৰ্থাৎ আপুনি যদি বিনিয়োগ কৰে তেন্তে আপুনি কমেও ৫ বছৰ অপেক্ষা কৰিব লাগিব৷ আপুনি বিচাৰিলে একাউণ্ট খোলাৰ ৩ বছৰ পাছত একাউণ্টটো বন্ধও কৰি দিব পাৰে৷ যদি একাউণ্টধাৰীৰ মৃত্যু হয় তেতিয়া নমিনি ব্যক্তিয়ে সেই অৰ্থ দাবী কৰিব পাৰে অথৱা একাউণ্টটো চলাই যাব পাৰে৷ আপুনি মোবাইল বেংকিং বা ই বেংকিঙৰ মাধ্যমেৰেও এই একাউণ্ট খুলিব পাৰে৷
১৭ লাখ টকাৰ ফাণ্ড কেনেকৈ প্ৰস্তুত কৰিব?
পোষ্ট অফিচ ৰেকাৰিং ডিপজিটৰ ওপৰত ৬.৭শতাংশ ফিক্স ৰিটাৰ্ণ দিয়ে৷ আপুনি এই স্কিমত সৰ্বনিম্ন ১০০ টকা বিনিয়োগ কৰিব পাৰে৷ কিন্তু ১৭ লাখ টকাৰ ফাণ্ড সংগ্ৰহ কৰিবলৈ হলে আপুনি প্ৰতিদিনে ৩৩৩ টকা বিনিয়োগ কৰিব লাগিব৷ অৰ্থাৎ আপুনি প্ৰতিমাহে প্ৰায় ১০,০০০ টকা বিনিয়োগ কৰিব লাগিব৷ আপুনি যদি প্ৰতিমাহে ১০০০০ টকাকৈ বিনিয়োগ কৰে তেন্তে আপুনি কেইবছৰৰ ভিতৰত সহজেই ১৭ লাখ টকাৰ ফাণ্ড তৈয়াৰ কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
