সমগ্ৰ বিশ্বতে দুঃসাহসিক, বন্যপ্ৰাণী, ইক’, ধৰ্মীয় আদি প্ৰকাৰৰ পৰ্যটন আছে। বিশ্বৰ প্ৰতিটো কোণলৈ ভ্ৰমণৰ বাবে যোৱাৰ ওপৰিও ভাৰতলৈকো ভ্ৰমণৰ বাবে আহে বহু লোক৷ ভাৰতত বিভিন্ন ধৰ্মীয় পৰ্যটনক্ষেত্ৰ, প্ৰাকৃতিক সৌন্দৰ্যৰ বাবেই ভাৰতলৈ আহে বহু বিদেশী পৰ্যটক৷ কিন্তু তাৰমাজতে ভাৰতৰ এখন ঠাই বিদেশীৰ আকৰ্ষণৰ কেন্দ্ৰ অন্য কাৰণতহে৷ দেশৰ এই প্ৰান্তলৈ বিদেশী মহিলা গৰ্ভধাৰণ কৰিবলৈকে আহে৷ গৰ্ভধাৰণৰ বাবে ভাৰতলৈ অহাৰ কাৰণ কি?
কাৰ্গিলৰ পৰা ৭০ কিলোমিটাৰ নিলগত লাডাখৰ এখন গাঁও, এই গাঁওখনক আৰ্য উপত্যকা বুলি জনা যায়। দাবী কৰা অনুসৰি বহিঃৰাজ্যৰ পৰা বিশেষকৈ ইউৰোপীয় দেশৰ পৰা মহিলাসকল ইয়ালৈ আহে কেৱল ইয়াত বাসকৰা স্থানীয় পুৰুষৰ পৰা গৰ্ভধাৰণ কৰিবৰ বাবে। আচহুৱা যেন লাগিলেও এয়াই সত্য৷
আঁৰৰ কাৰণ?
লাডাখৰ আৰ্য্য উপত্যকাত ব্ৰকপা জনগোষ্ঠীৰ লোক বাস কৰে। তেওঁলোকক আলেকজেণ্ডাৰৰ সৈন্যৰ বংশধৰ বুলি জনা যায়৷ কেৱল এয়াই নহয়, দাবীও হৈছে যে তেওঁলোকেই পৃথিৱীত বাকী থকা শেষ বিশুদ্ধ আৰ্য্য। আলেকজেণ্ডাৰে ভাৰত এৰি যোৱাৰ সময়ত তেওঁৰ কিছুসংখ্যক সৈন্যই ভাৰতত থাকি গৈছিল৷ তেওঁলোকৰ সেইসকল বংশধৰেই আজিও ভাৰতত আছে।
আলেকজেণ্ডাৰৰ সেনাবাহিনীৰ দৰে বিদেশী মহিলাসকলে ভাল শাৰীৰিক গঠন আৰু শক্তিশালী সন্তান জন্ম দিয়াৰ হেঁপাহত ইয়ালৈ আহে আৰু গৰ্ভধাৰণৰ পিছত ইয়াৰ পৰাই গুচি যায়। লগতে কোৱা হয় যে, আগতে এই সম্প্ৰদায়ৰ মানুহ বিশেষ জনপ্ৰিয় নাছিল যদিও ইণ্টাৰনেটত প্ৰচাৰ বৃদ্ধি হোৱাৰ পাছত বিদেশী মহিলা অহাৰ সংখ্যা বৃদ্ধি পাবলৈ ধৰিলে। বিদেশী মহিলাই শাৰীৰিক সম্পৰ্কৰ বিনিময়ত পুৰুষক ধন দিয়ে। ব্ৰকপাসকলে তেওঁলোক আৰ্যৰ বংশধৰ বুলি দাবী কৰে যদিও ইয়াৰ কোনো প্ৰমাণ পোৱা নাযায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
