অসম লাইভ২৪ঃ ধৰ্মীয় অনুষ্ঠানত যোগ দিবলৈ গৈ হেৰাই গৈছিল দুই বন্ধু৷ মৃত অৱস্থাত উদ্ধাৰ হৈছিল দুই বন্ধুৰ দেহ৷ মৰোণোত্তৰ পৰীক্ষাৰ অন্তত ভয়ংকৰ ছায়েনায়েড পোৱা গৈছিল দেহত৷ কিন্তু কোনে ছায়েনায়েড দি হত্যা কৰিলে দুই বন্ধুক? এই দুই বন্ধুৰ শৰীৰত ছায়েনায়েড পোৱাৰ পাছতেই আৰক্ষীয়ে আৰম্ভ কৰে তদন্ত৷ তদন্তত পোহৰলৈ অহা অনুসৰি আৰক্ষীয়ে এগৰাকী মহিলাই এই হত্যাকাণ্ড সংঘটিত কৰিছে৷ এজন দুজন নহয় প্ৰায় ১১ জন লোকক এনেদৰে হত্যা কৰাৰ অভিযোগ উঠিছে মহিলাগৰাকীৰ বিৰুদ্ধে৷ মৃত ১১ গৰাকীৰেই মহিলাগৰাকীৰ সৈতে ঘনিষ্ঠ বন্ধুত্ব আছিল৷ একেই বিষ ছায়েনায়েড দিয়েই এই হত্যাকাণ্ড সংঘটিত কৰিছে মহিলাগৰাকীয়ে৷
আৰক্ষী সূত্ৰই জনোৱা অনুসৰি চিৰিয়েল কিলাৰগৰাকী অন্তঃসত্ত্বাও৷ ৩২ বছৰীয়া চিৰিয়েল কিলাৰগৰাকীক গ্ৰেপ্তাৰ কৰিছে থাইলেণ্ড আৰক্ষীয়ে৷ তেওঁৰ বিৰুদ্ধে থকা অভিযোগ অনুসৰি প্ৰাক্তন প্ৰেমিকসহ মুঠ ১২ জন বন্ধুক ছায়েনায়েড দি হত্যা কৰিছে মহিলাগৰাকীয়ে৷ এই ১২ গৰাকীৰ প্ৰায় কেইজনেই যুৱক৷ কোনোৱা যদি ৩৩ বছৰীয়া, কোনোবা আকৌ ৪৪ বছৰৰ ভিতৰৰ৷ ২০২০-২০২৩ৰ এপ্ৰিলৰ ভিতৰত এই হত্যাকাণ্ড সংঘটিত কৰিছে মহিলাগৰাকীয়ে৷ বিগত ১৪ এপ্ৰিলত শেষৰটো হত্যাকাণ্ড সংঘটিত কৰিছে মহিলাগৰাকীয়ে৷
আৰক্ষীয়ে জনোৱা অনুসৰি এই ১২ মৃতদেহৰ পৰা ফোন, টকা, বেগ একোৱেই লাভ কৰা নাই আৰক্ষীয়ে৷ আৰক্ষীয়ে প্ৰকাশ কৰামতে ৩২ বছৰীয়া চাৰাৰত নামৰ মহিলাগৰাকীয়ে চুৰি কৰাৰ বাবেই এই হত্যাকাণ্ড কৰি আহিছে৷ কিন্তু এই সন্দৰ্ভত আৰক্ষীও নিশ্চিত নহয়৷ ইপিনে চৰাৰত নামৰ অভিযুক্ত মহিলাগৰাকী অন্তঃসত্ত্বা৷ আদালতত চৰাৰতে সকলো অভিযোগ অস্বীকাৰ কৰিছে৷ তেওঁৰ অধিবক্তাই জনোৱা অনুসৰি এইদৰে গৰ্ভৱতী মহিলাক মানসিক শাস্তি দিলে গৰ্ভস্থ ভ্ৰুণৰ ক্ষতিৰ সম্ভাৱনা বাঢ়ি যায়৷ গতিকে তেওঁক এইদৰে চাপ দিয়াটো অনুচিত৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
