অসম লাইভ২৪ঃ যোৰহাট সাহিত্য সভাৰ উদ্যোগত আৰু গুৱাহাটীৰ আমোলন প্ৰকাশনৰ সহযোগত ২৫ মে, ২০২৪ শনিবাৰে শ্ৰীযুত বিজয় সাৰথি শৰ্মাৰ শেহতীয়া উপন্যাস “প্ৰেম এনেকুৱাই” নামৰ শীৰ্ষক গ্ৰন্থখন দানবীৰ ৰাধাকান্ত সন্দিকৈ ভৱন, অসম সাহিত্য সভাৰ কেন্দ্ৰীয় কাৰ্য্যালয়ৰ প্ৰাংগনত উন্মোচন কৰা হয়৷
সভাত বিশিষ্ট অতিথি হিচাপে ভৱ গোস্বামী ,সভাপতি যোৰহাট জিলা সাহিত্য সভা আৰু ৰুবী শইকীয়া দাস, অসমীয়া সাহিত্য কলা কেন্দ্ৰ বিশ্বনাথ চাৰিআলি, উপন্যাসিকা জুৰি শইকীয়াৰ উপস্থিতিত ডঃৰাতুল চন্দ্ৰ বৰা,সঞ্চালক, প্ৰাচ্যবিদ্যাৰ্ণৱ ডঃমহেশ্বৰ নেওগ অসমতত্ত্ব গৱেষণা সংস্থানৰ দ্বাৰা গ্ৰন্থখন উন্মোচন কৰা হয়৷
ভালে কেইগৰাকী বৰেণ্য ব্যক্তিয়ে অংশগ্ৰহণ কৰা এই সভাখনত সভাপতিত্ব কৰে যোৰহাট সাহিত্য সভাৰ উপ সভাপতি উষা বৰাই ৷ সভাখনৰ উদ্দেশ্য বাখ্যা কৰে সম্পাদক উত্তম কুমাৰ হাজৰিকাই আৰু শলাগৰ শৰাই আগবঢ়াই দেবাশ্ৰী শইকীয়াই৷৷
উল্লেখ্য যে, নব্বৈৰ দশকত অসমীয়া ছুটি গল্প লেখক হিচাপে আত্মপ্ৰকাশ কৰা বিজয় সাৰথি শৰ্মাৰ কিছু বছা বছা গল্পৰে ইতিমধ্যেই প্ৰকাশ হোৱা “আৰক” গ্ৰন্থখন ‘আমোলন প্ৰকাশনে’ উপন্যাস হিচাপে পাঠকলৈ আগবঢ়াইছে৷ ‘প্ৰেম এনেকুৱাই’ আমোলন প্ৰকাশনৰ হৈ ৰমেন্দ্ৰ কুমাৰ ভুঞাই প্ৰকাশ কৰি উলিয়াইছে৷ সুৱাগপুৰ, গুৱাহাটীৰ দ্বাৰা প্ৰকাশিত এই গ্ৰন্থৰ বেটুপাত অংগসজ্জা কৰিছে ‘ভিছন’ গুৱাহাটীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
