দেশজুৰি চৰ্চিত কেটন আগৰৱাল হ*ত্যাকাণ্ডৰ প্ৰতিদিনে ন ন চাঞ্চল্যকৰ তথ্য পোহৰলৈ আহিছে। সূত্ৰ অনুসৰি, ২০২৬ৰ জানুৱাৰীৰ পৰা কেটন আগৰৱালা আৰু ছিয়া গোৱেলৰ সম্পৰ্কক লৈ আলোচনা আৰম্ভ হৈছিল আৰু সেই অনুসৰি দুয়োৰে জন্ম কুণ্ডলী মিলাই তেওঁলোকৰ বিৱাহ নিৰ্ণয় কৰা হৈছিল। জ্যোতিষীৰ মতে গ্ৰহ আৰু নক্ষত্ৰমণ্ডলৰ অৱস্থান গণনা কৰি ৩৬টা গুণৰ ভিতৰত কেটন-ছিয়াৰ মাজত ২৭টা গুণৰ মিল থকা বুলি সদৰী কৰিছিল। জ্যোতিষীৰ মতে ২৭ অংকৰ মিলক বিৱাহৰ বাবে অতিশয় শুভ আৰু অনুকূল বুলি গণ্য কৰা হয়। হিচাপত কেটন দেৱ গণ আৰু ছিয়া মনুষ্য (মংগন) ৰাশিৰ অন্তৰ্গত বুলিও জানিব পৰা গৈছে, যাৰ ভিত্তিত জ্যোতিষীজনে দাবী কৰিছিল যে তেওঁলোক আদৰ্শ দম্পতী হ’ব আৰু তেওঁলোকৰ বিবাহিত জীৱন অত্যন্ত সফল হ’ব। আনন্দিত হৈ দুয়োটা পৰিয়ালে এংগেজমেণ্ট অনুষ্ঠানটো অতি আড়ম্বৰেৰে উদযাপন কৰি প্ৰস্তুতি আৰম্ভ কৰি ২০২৬ চনৰ নৱেম্বৰ মাহত বিয়াৰ তাৰিখ নিৰ্ধাৰণ কৰে।
জন্মদিনৰ নামত প্ৰেম আৰু মৃত্যুৰ ফান্দৰ নাটক
কেটনে ছিয়াৰ সৈতে সুখী জীৱনৰ সপোন দেখি থকাৰ সময়তে চেতন চৌধুৰীৰ প্ৰতি থকা প্ৰেমত অন্ধ হৈ পৰা ছিয়াই কেটনক চিৰদিনৰ বাবে নিৰ্মূল কৰাৰ পৰিকল্পনা ৰচনা কৰি আছিল। আৰক্ষীৰ তদন্ত অনুসৰি ছিয়াই পূৰ্বে দুই-তিনিবাৰ কেটনক হ*ত্যাৰ অপচেষ্টা চলাইছিল যদিও সঠিক সুযোগৰ বাবে অপেক্ষা কৰি আছিল। ইয়াৰ পিছত ছিয়াই কেতনৰ সৈতে এক কুৎসিত প্ৰেম নাটক মঞ্চস্থ কৰে।
কিমান আগবাঢ়িছে কেটন হ*ত্যাকাণ্ডৰ তদন্ত?
পুনেৰ বহুচৰ্চিত এই হ*ত্যাকাণ্ডৰ তদন্তত আৰক্ষীয়ে কেতবোৰ নতুন তথ্য উদ্ঘাটন কৰিবলৈ সক্ষম হৈছে। সম্প্ৰতি অভিযুক্ত ছিয়া প্ৰায় ৭ মাহৰ পূৰ্বৰ এটা ভিডিঅ’ ছ’চিয়েল মিডিয়াত তীব্ৰ গতিত ভাইৰেল হৈছে। ভিডিঅটোত ছিয়াই এখন পাবৰ ভিতৰত হাতত সুৰাৰ বটল লৈ ফোনত বাৰ্তালাপ কৰা দেখা গৈছে। যত ছিয়াই ফোনযোগে কাৰোবাক প্ৰেমত প্ৰৱঞ্চনাৰ অভিযোগ তুলিছে। ভিডিঅটোত ফোনত কৰা বাৰ্তালাপত ছিয়াক অশ্লীল ব্যৱহাৰ কৰাও দেখা গৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
