সমগ্ৰ বিশ্বতে তোলপাৰ লগোৱা পুষ্পা ২ ৰ আজি পঞ্চম দিনত ভৰি, ১০০০ কোটিৰ ঘৰলৈ অগ্ৰসৰ
আল্লু অৰ্জুন আৰু ৰশ্মিকা মাণ্ডান্না অভিনীত ছবি ‘পুষ্পা ২: দ্য ৰুল’ই বিশ্বব্যাপী বক্স অফিচত অভিলেখ ভংগ কৰি আছে উপাৰ্জনৰ দিশত। এই ছবিখনে ইতিমধ্যে বিশ্বজুৰি বহু অভিলেখ গঢ়িবলৈ সক্ষম হৈছে। সুকুমাৰৰ পৰিচালনাত নিৰ্মিত এই ছবিখনে ভাৰতীয় চিনেমাৰ বাবে নতুন মাপকাঠী নিৰ্ধাৰণ কৰি সমগ্ৰ বিশ্বতে বিপুল লাভ অৰ্জন কৰিছে।
‘পুষ্পা ২: দ্য ৰুল’ বছৰৰ বহু প্ৰত্যাশিত ছবিৰ ভিতৰত অন্যতম আছিল। এই ছবিখনৰ উন্মাদনা ইমানেই যে প্ৰথম দিনটোতেই ৰেকৰ্ড এডভান্স বুকিং কৰা হৈছিল। এই একচন থ্ৰিলাৰখন মুক্তিৰ প্ৰথম দিনাৰ পৰাই কেৱল দেশতে নহয় সমগ্ৰ বিশ্বতে আলোড়নৰ সৃষ্টি কৰিছে।
ছবিখনে দৰ্শকৰ পৰা ইমানেই বিপুল সঁহাৰি লাভ কৰিছে যে আনকি নিৰ্মাতাসকলো আচৰিত হৈ পৰিছে। ইতিমধ্যে ছবিখনে বাজেটত কৈ বহু লাভ অৰ্জনত ব্যস্ত। বিশ্বজুৰি এই ছবিখনে মুক্তিৰ চাৰিদিনতো ৮০০ কোটি টকাৰ সীমা অতিক্ৰম কৰি ইতিহাস ৰচনা কৰিছে।
ট্ৰেড ৰিপৰ্ট অনুসৰি এই ছিকুৱেল ছবিখনে ছবিগৃহত এসপ্তাহ সম্পূৰ্ণ কৰাৰ পূৰ্বে সহজেই ১০০০ কোটি টকা উপাৰ্জন কৰিব পাৰিব। ট্ৰেড বিশ্লেষক ৰমেশ বালাই নিজৰ এক্স পেজত কয় যে পুষ্পা ২য়ে প্ৰথম উইকেণ্ডত বিশ্বব্যাপী বক্স অফিচত ৮০০ কোটি টকাৰ উপাৰ্জন অতিক্ৰম কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
