বনভোজলৈ যোৱাৰ প্ৰস্তুতি নেকি! পূৰ্বে জানি লওক প্ৰশাসনৰ এই নিৰ্দেশনা
বছৰৰ শেষ আৰু নতুন বছৰৰ আগমণৰ এই সময়ছোৱাতে প্ৰস্তুতি চলে বনভোজৰ। ইতিমধ্যে ৮ ডিচেম্বৰৰ দেওবাৰৰ পৰা ৰাজ্যৰ বিভিন্ন প্ৰান্তৰ বনভোজথলীত ভিৰ কৰা দেখা যায় বনভোজপ্ৰেমীক।
আপুনিও প্ৰস্তুতি চলাইছে নেকি বনভোজলৈ যোৱাৰ। পাছে তাৰ পূৰ্বে জানি লওক প্ৰশাসনে জাৰি কৰা নিয়ম। বনভোজলৈ গলে আপুনি কিকি নিয়ম মানি চলিব লাগিব-
উচ্চ স্তৰীয় সংগীত তথা চাউণ্ড চিষ্টেম আৰু সুৰা বনভোজত বন্ধ ঘোষণা প্ৰশাসনৰ। লগতে জাৰি কৰিছে বনভোজৰ সময়।
প্ৰশাসনে নিৰ্ধাৰণ কৰি দিছে বনভোজৰ সময়। পুৱা ৯ বজাৰ পৰা আবেলি ৪ বজালৈহে খাব পাৰিব বনভোজ। আবেলি ৪ বজাৰ লগে লগে বনভোজস্থলী খালী কৰাৰ নিৰ্দেশ।
বনভোজস্থলীত প্লাষ্টিক ব্যৱহাৰত নিষেধাজ্ঞা। কোনো ধৰণৰ প্লাষ্টিকৰ বটল ব্যৱহাৰ কৰিব নোৱাৰিব। খাদ্য খোৱা গিলাচ-পাত আদি বোৰো প্লাষ্টিকৰ ব্যৱহাৰত বাধা। ব্যৱহাৰ কৰিলেও বনভোজ থলীত পেলাই থৈ আহিব নোৱাৰিব। অন্যতা জৰিমণা ভৰিব লাগিব।
কোনো ধৰণৰ শব্দ প্ৰদূষণো কৰিব নোৱাৰিব বনভোজকাৰীৰ দলে। উচ্চ স্তৰীয় সংগীত তথা চাউণ্ড চিষ্টেমৰ ব্যৱহাৰত বাধা।
সুৰাপানৰ পৰাও আঁতৰত থাকিব লাগিব বনভোজকাৰীৰ দল। কাজিয়া-পেচাল নকৰিবলৈও আহ্বান প্ৰশাসনৰ।
প্ৰায়ে হাতী-মানুহৰ সংঘাত হৈ থকা স্থানত সতৰ্ক হৈ থকাৰ আহ্বান। তামুলপুৰৰ বগামাটি বনভোজস্থলীত এই নিৰ্দেশনা তামুলপুৰ প্ৰশাসনৰ নীতি-নিৰ্দেশনা মানি বনভোজ খোৱাৰ আহ্বান।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
