পূষ্পা ২ৰ প্ৰিমিয়াৰৰ সময়তে অঘটন, পদপৃষ্ট হৈ মহিলাই হেৰুৱালে প্ৰাণ, পুত্ৰ সংকটজনক
হায়দৰাবাদত অনুষ্ঠিত হোৱা পুষ্পা ২ৰ প্ৰিমিয়াৰত অঘটন। ৪ ডিচেম্বৰ বুধবাৰে হায়দৰাবাদৰ সন্ধ্যা থিয়েটাৰত প্ৰিমিয়ামৰ সময়তে অঘটন ঘটি প্ৰাণ হেৰুৱালে এগৰাকী মহিলাই। লগতে মহিলাগৰাকীৰ পুত্ৰৰ সংকটজনক অৱস্থা।
আল্লু অৰ্জুনক চাবলৈ কালিৰ সেই প্ৰিমিয়াম শ্বোত বিপুল জনসমাগম হৈছিল। থিয়েটাৰৰ বাহিৰত পদপৃষ্টৰ দৰে পৰিস্থিতি হৈ পৰে। আৰু সেই পদপৃষ্টতে এগৰাকী ৩৯ বছৰীয়া মহিলাৰ মৃত্যু হয়, আৰু তেওঁৰ পুত্ৰৰ অৱস্থা বৰ্তমানে সংকটজনক।
দিলছুখনগৰৰ বাসিন্দা ৰেৱতী (৩৯) নামৰ মহিলাগৰাকীয়ে স্বামী ভাস্কৰ আৰু দুটা সন্তান শ্ৰী তেজ (৯) আৰু সনবিকা (৭)ৰ সৈতে আৰটিচি ক্ৰছ ৰোডছৰ সন্ধ্যা থিয়েটাৰলৈ গৈ পুষ্পা ২ৰ প্ৰিমিয়াৰ শ্ব’ চাবলৈ গৈছিল ।
তাতেই যেতিয়া তাৰকা আল্লু অৰ্জুনৰ আগমণ ঘটে লগে লগে অনুৰাগীৰ মাজত হাহাকাৰ লাগি যায়। প্ৰিয় তাৰকাক এবাৰ কাষৰ পৰা পাবলৈ হেতা ওপৰা লগাই অনুৰাগীয়ে। একপ্ৰকাৰ হুলস্থুলৰ পৰিৱেষ বিৰাজ কৰে প্ৰিমিয়াৰ থলীত। তাতেই পদপৃষ্ট হৈ প্ৰাণ হেৰুৱাই মহিলাগৰাকীয়ে। আনহাতে শ্ৰীতেজ নামৰ ৯ বছৰীয়া শিশুটিৰ অৱস্থা সংকটজনক অৱস্থাত,বৰ্তমানে উন্নত চিকিৎসাৰ বাবে বেগুম্পেটৰ কিমছ হাস্পতাললৈ প্ৰেৰণ কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
