এই বছৰ মে মাহত গোচৰ কৰিব ৰাহুৱে৷ শনিৰ ৰাশি কুম্ভত ৰাহুৰ প্ৰৱেশৰ ফলত নানান দিশৰ পৰা লাভৱান হ’ব এই তিনি ৰাশিৰ জাতক৷ জানি থওক তালিকাত কোন কোন আছে?
আগন্তুক ১৮ মে ২০২৫ত নিজৰ অৱস্থান পৰিবৰ্তন কৰিব ৰাহুৱে৷ বৰ্তমান ছায়াগ্ৰহ ৰাহুৱে মীন ৰাশিত অৱস্থান কৰিছে৷ বক্ৰী চলনত এই গ্ৰহই ইয়াৰ পাছতেই কুম্ভ ৰাশিত প্ৰৱেশ কৰিব৷ কুম্ভ ৰাশিৰ অধিপতি গ্ৰহ শনি৷ আৰু কেইমাহমান পাছতেই শনিৰ ঘৰলৈ আহিব ৰাহু৷
ৰাহু আৰু কেতু
ৰাহু আৰু কেতুক বৈদিক জ্যোতিষত পাপী গ্ৰহ বুলি কোৱা হয়৷ এই দুই গ্ৰহই সকলো সময়তে বক্ৰী চলনেৰে গোচৰ কৰে৷ ৰাহু আৰু কেতুৰ গোচৰৰ প্ৰভাৱত বিভিন্ন ৰাশিত উল্লেখযোগ্য ভাৱে লক্ষ্য কৰা যায়৷ আগন্তুক ১৮ মেত ৰাহুৱে মীন ৰাশি এৰি কুম্ভ ৰাশিলৈ আহিলে কোনো কোনো ৰাশিত ভাল আৰু কোনো কোনো ৰাশিত বেয়া প্ৰভাৱ পৰিব৷ জ্যোতিষ গণনাত দেখা গৈছে যে তিনি ৰাশিৰ জাতকৰ কেৰিয়াৰত ৰাহুৰ গোচৰৰ শুভ প্ৰভাৱ পৰিব৷ জানি থওক কুম্ভ ৰাশিৰ ৰাহু আহিলে নানান দিশৰ পৰা কোন কোন ৰাশিৰ জাতক লাভৱান হ’ব?
মিথুন ৰাশি
ৰাহুৰ ৰাশি পৰিবৰ্তনৰ প্ৰভাৱত শুভ ফল পাব মিথুন ৰাশিৰ জাতকে৷ এই সময়ত কেৰিয়াৰত বৃহৎ সাফল্য লাভ কৰিব আপুনি৷ ৰৈ থকা সকলো কাম সম্পূৰ্ণ কৰিব পাৰিব৷ সকলো কামতে ভাগ্যক নিজৰ কাষত পাব মিথুন ৰাশিৰ জাতকে৷ আত্মবিশ্বাসেৰে তুংগত থাকিব আপুনি৷ চাকৰিত পদোন্নতি হ’ব পাৰে৷ ব্যৱসায়ত বৃহৎ লাভ কৰাৰ যোগ আছে৷ সাংসৰিক পৰিবেশত সুখ শান্তি থাকিব৷
মকৰ ৰাশি
মকৰ ৰাশিৰ জাতকৰ যিসকল গৱেষণাৰ কামত যুক্ত, ৰাহুৰ গোচৰৰ প্ৰভাৱত বৃহৎ সাফল্য পাব তেওঁলোকে৷ মে মাহৰ পাছৰে পৰা সুখৰ সময় আহিব আপোনাৰ জীৱনত৷ এই সময়ত আপুনি কোনো নতুন কামত হাত দিলে সফল হ’ব৷ মকৰ ৰাশিৰ জাতকৰ আৰ্থিক পৰিস্থিতি উন্নত হ’ব৷
ধনু ৰাশি
ৰাহুৰ গোচৰৰ প্ৰভাৱত প্ৰচুৰ আৰ্থিক লাভ হ’ব ধনু ৰাশিৰ জাতকৰ৷ কেৰিয়াৰত উন্নতিৰ গ্ৰাফে আকাশ চুব৷ নতুন কামৰ দায়িত্ব পাব এই ৰাশিৰ জাতকে৷ কৰ্মসূত্ৰে বিদেশ যাত্ৰা কৰিব পাৰে৷ বিদেশত কোনো নামজ্বলা ইউনিভাৰ্ছিটিত পঢ়াশুনা কৰাৰ আপোনাৰ দীৰ্ঘদিনৰ ইচ্ছা এই সময়ত পূৰণ হ’ব পাৰে৷ পৰিয়ালত সুখ শান্তিৰ পৰিবেশ থাকিব৷ দাম্পত্য জীৱন ভালে থাকিব৷ এই সময়ত কোনো সুখবৰ পাব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
