অসম লাইভ ২৪ঃ আজি ৫১ বছৰ বয়সত ভৰি দিলে কংগ্ৰেছৰ যুৱৰাজ ৰাহুল গান্ধীয়ে। ৰাহুল গান্ধীৰ ওপজা দিনটো সেৱা দিৱসৰূপে উদযাপন কৰাৰ সিদ্ধান্ত লয় কংগ্ৰেছে। দেশৰ ভয়াৱহ কোভিড পৰিস্থিতিৰ প্ৰতি লক্ষ্য ৰাখি ৰাহুল গান্ধীয়ে নিজৰ ওপজা দিন উলহ-মালহেৰে পালন কৰাৰ পৰিৱৰ্তে ৰাইজৰ সেৱা আগবঢ়াই উদযাপন কৰাৰ আহ্বান জনাই প্ৰদেশ কংগ্ৰেছক। দৰিদ্ৰ লোকৰ মাজত খাদ্য সামগ্ৰী বিতৰণ কৰাৰ উপৰি ঔষধ, অত্যাৱশ্যকীয় সামগ্ৰী, মাস্ক, চেনিটাইজাৰ আদি বিতৰণ কৰে। প্ৰতিষেধক গ্ৰহণৰ ক্ষেত্ৰতো সহায় আগবঢ়ায় সাধাৰণ জনতাক। সচিব প্ৰধান কে চি বেণুগোপালে এক পত্ৰযোগে প্ৰদেশ কংগ্ৰেছ কমিটী আৰু কংগ্ৰেছৰ বিভিন্ন সংগঠনসমূহক ৰাহুল গান্ধীৰ এই আহ্বানৰ বিষয়ে অৱগত কৰে। সেই আহ্বানৰ প্ৰতি সহাঁৰি জনাই সমগ্ৰ দেশজুৰি কংগ্ৰেছে ‘সেৱা দিৱস’ৰূপে উদযাপন কৰে ৰাহুল গান্ধীৰ ওপজা দিন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
