ছবিৰ প্ৰচাৰত কিছু ঘটনা প্ৰতিদিনেই ঘটে৷ পিদ্দিৰ শ্বুটিঙত তেনে এক ঘটনাই ঘটিছে৷ যাক লৈ চৰ্চা হৈছে সমগ্ৰতে৷ ৰামচৰণৰ নিৰাপত্তাৰক্ষী নাথাকিলে কি ঘটিলহেতেন তাক লৈয়ো চলিছে চৰ্চা৷ অন্ধ্ৰপ্ৰদেশৰ বিজয়ওৱাড়াত এক প্ৰচাৰত তেনে ঘটনাই ঘটিছে৷ ৰামচৰণ, জাহ্নৱী কাপুৰ আৰু পৰিচালক বুচি বাবু ছানা বিশেষ আসনত বহি আছিল৷ তেতিয়াই হঠাৎ এজন অনুৰাগীয়ে নিৰাপত্তাবলয় ভাঙি সন্মুখলৈ আহে৷ জাহ্নৱী আৰু ৰামচৰণৰ নিচেই কাষলৈ আহি পায় অনুৰাগীজন৷
হঠাৎ এনেকৈ কাৰোবাক তেওঁলোকৰ দিশলৈ আগুৱাই অহা দেখি স্বাভাৱিকভাৱেই হতচকিত হৈ পৰে সকলো৷ ছচিয়েল মিডিয়াত ভাইৰেল হোৱা ভিডিঅ’ত দেখা গৈছে অভিনেতা ৰামচৰণৰ নিৰাপত্তাৰক্ষী কেভিন কুণ্টাই যেনেতেনে সমগ্ৰ পৰিস্থিতি চম্ভালি লয়৷ কেৱল সেয়াই নহয় অত্যন্ত শান্তভাৱেই ঘটনাস্থলৰ পৰা আঁতৰাই নিয়া হয় সেই ব্যক্তিক৷
নিৰাপত্তাৰক্ষীৰ এই তৎপৰতাত মুগ্ধ সকলো৷ সকলোৱে তেওঁৰ কাৰ্যক প্ৰশংসাও কৰিছে৷ কোনে বিপদ ঘটাৰ পূৰ্বেই পৰিস্থিতি চম্ভালি লৈছে কেভিনে৷ ৰাম আৰু জাহ্নৱীৰ অনুৰাগীয়ে প্ৰিয় অভিনেতাক এনেকৈ ৰক্ষা কৰাৰ বাবে প্ৰশংসাও কৰিছে৷ ২৭বছৰীয়া এইগৰাকী নিৰাপত্তাৰক্ষী পশ্চিম আফ্ৰিকাৰ৷ তেওঁ এজন মিক্সড মাৰ্ছেল আৰ্টছ ফাইটাৰ৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
