ভাৰতীয় বেগীবলাৰ যশপ্ৰীত বুমৰাহক নিজৰ ছবিৰ প্ৰচাৰৰ সময়ত ‘ফুটবলাৰ’ বুলি অভিহিত কৰি বিপদত পৰিল দাক্ষিণাত্যৰ বিখ্যাত চলচ্চিত্ৰ অভিনেতা ৰাম চৰণ। পিছত তেওঁ ভুলৰ বাবে ক্ষমা খুজে। ঘটনা সন্দৰ্ভত মৌনতা অৱলম্বন কৰা কৰি আছে বুমৰাহে। ইনষ্টাগ্ৰামত এক বাতৰিৰ জৰিয়তেও তেওঁ নিজৰ সঁহাৰি দিয়ে।
কালি ৰাম চৰণে তেওঁৰ পৰৱৰ্তী ছবি ‘পিড্ডী’ৰ প্ৰচাৰৰ বাবে ভোপাললৈ গৈছিল। তেওঁৰ লগত আছিল বিখ্যাত সংগীত পৰিচালক এ আৰ ৰহমান আৰু অভিনেত্ৰী জাহ্নৱী কাপুৰ। তাত তেওঁক ভাৰতীয় ক্ৰিকেটাৰৰ বিষয়ে কিবা এটা ক’বলৈ কোৱা হৈছিল। ৰাম চৰণে শচীনক ‘কিংবদন্তি’, ধোনীক ‘শান্ত’, বিৰাট কোহলীক ‘জুই’ আৰু ৰোহিতক ‘প্ৰিয় ক্ৰিকেটাৰ’ বুলি অভিহিত কৰে। ইয়াৰ পিছত তেওঁ বুমৰাহৰ বিষয়ে ক’লে, “যশপ্ৰীত বুমৰাহ মই আপোনাৰ ডাঙৰ অনুৰাগী। ময়ো ফুটবল চাই ভাল পাওঁ। ফুটবলক এইদৰে আগুৱাই নিয়াৰ বাবে ধন্যবাদ।” তেওঁৰ এই মন্তব্যই ছ’চিয়েল মিডিয়াত বিতৰ্ক আৰম্ভ কৰিলে। এটাৰ পিছত এটাকৈ ‘মিম’ তেওঁৰ বিষয়ে ভাইৰেল হৈ পৰিল।
বহুতে সুধিবলৈ ধৰিছে, ৰাম চৰণে বুমৰাহৰ দৰে ক্ৰিকেটাৰক চিনি নাপায় নেকি? ইয়াৰ পিছতে ৰাম চৰণে নিজৰ ভুল উপলব্ধি কৰি ছ’চিয়েল মিডিয়াত ক্ষমা বিচাৰিলে। এক্সত তেওঁ লিখিছে, “মই সঁচাকৈয়ে নামটো পাহৰিলোঁ। মই দুঃখিত, মই ডাঙৰ ভুল কৰিলোঁ। মানুহ মাত্ৰাই ভুল, মই আপোনাৰ ডাঙৰ অনুৰাগী। আপুনি ভাৰতৰ গৌৰৱ।” অহা ৪ জুনত মুক্তি পাব ৰাম চৰণৰ এই চিনেমাখন। চিনেমাখনত তেওঁক এজন ক্ৰীড়াবিদৰ চৰিত্ৰত দেখা যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
