দুখন চিনেমা কৰিয়ে বলীউডক বিদায় দি খুলিলে কোম্পানী, এতিয়া ১০ হাজাৰ কোটি টকাৰ মালিক
বলীউডত অভিনয় কৰাৰ সপোন প্ৰায় সকলো অভিনেতা-অভিনেত্ৰীৰে। কিন্তু সফলতা সকলোৰে ভাগ্যত নাথাকে। বহু লোক আহে, বহু লোক নোহোৱা হৈ যায় বলীউডৰ জাকজমকতাৰ মাজত। তেনেই এগৰাকী অভিনেতা, যাৰ সপোনো আছিল বলীউডত কাম কৰাৰ , ডাঙৰ তাৰকা হোৱাৰ, বহু টকা উপাৰ্জন কৰাৰ।
পাছে বলীউডত সফলতা নাপালে এইগৰাকী অভিনেতাই, মাথো দুখন চিনেমা কৰিয়ে বলীউডক বিদায় দি প্ৰৱেশ কৰিলে ব্যৱসায়ৰ জগতত। নিয়তিয়ে যেন তাতেই লক্ষ্মীক বহুৱাই থৈছিল এইগৰাকী অভিনেতাৰ বাবে। চিনেমাত বিফল হলেও আজিৰ তাৰিখত ব্যৱসায়েৰে মালিক হৈছে ১০ হাজাৰ কোটি টকাৰ।
সেই সফল ব্যৱসায়ী হোৱা লোকগৰাকীয়ে হৈছে ৰমৈয়া বাস্তৱৈয়াত ৰামৰ চৰিত্ৰত অভিনয় কৰা অভিনেতা গিৰীশ কুমাৰ। ২০১৩ চনৰ ‘ৰমাইয়া বস্তৱৈয়া’ ছবিখনত তেওঁৰ মৰমলগা হাঁহিৰে অনুৰাগীৰ হৃদয় জয় কৰা গিৰীশৰ জনপ্ৰিয়তা বাঢ়ি গৈ থাকিল। কিন্তু ইয়াৰ পিছত তেওঁ মাত্ৰ ১খন ছবিতহে অভিনয় কৰে। দ্বিতীয়খন চিনেমা আছিল ২০১৬ চনত লাভ-ছুডা। এই ছবিখন বক্স অফিচত বিফল হোৱাৰ পিছত অভিনেতাজনে উদ্যোগটোৰ পৰা নিজকে আঁতৰাই ৰাখে। অৱশ্যে তেওঁ নিজৰ পথ সলনি কৰি আজি তেওঁ এজন সফল কৰ্পৰেট চি অ’ অ’, যাৰ মূল্য ৪৭০০ কোটি টকা।
গিৰীশ কুমাৰ চলচ্চিত্ৰ নিৰ্মাতা কুমাৰ এছ. তৌৰাণীৰ পুত্ৰ আৰু ৰমেশ এছ. ভাৰতীয় চলচ্চিত্ৰ জগতৰ এটা ডাঙৰ কোম্পানী টিপছ ইণ্ডাষ্ট্ৰীজৰ প্ৰতিষ্ঠাপক তৌৰাণীৰ ভতিজা। অভিনয়ৰ পৰা বিদায় লোৱাৰ পিছত গিৰিশে পৰিয়ালৰ ব্যৱসায়ত যোগদান কৰি এতিয়া টিপছ ইণ্ডাষ্ট্ৰীজৰ মুখ্য পৰিচালন বিষয়া (চি অ’ অ’) হিচাপে কাম কৰি আছে। ২০২৪ চনৰ ডিচেম্বৰ মাহলৈকে কোম্পানীটোৰ বজাৰ মূলধন ১০,৫১৭ কোটি টকা।
পৰিয়ালৰ ব্যৱসায়ত কুমাৰৰ অংশীদাৰিত্বই তেওঁক উল্লেখযোগ্য ধন-সম্পত্তি গঢ়ি তোলাত সহায় কৰে, যাৰ ফলত তেওঁ অন্য বহু সফল অভিনেতাতকৈয়ো অধিক ধনী হৈ পৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
