১৩ বছৰীয়া বৈভৱ সূৰ্যবংশীৰ আন এক ইতিহাস, ভংগ কৰিলে ২৪ বছৰীয়া পুৰণি ৰেকৰ্ড
IPLত সবাতোকৈ কম বয়সীয়া খেলুৱৈ হিচাপে স্থান লাভ কৰি ইতিহাস ৰচনা কৰা বৈভৱ সূৰ্যবংশীয়ে এইবাৰ আন এক ইতিহাস ৰচনা কৰিছে। এইবাৰ ২৪ বছৰীয়া এক ইতিহাস ভংগ কৰি ৰচনা কৰিলে আন এক অভিলেখ।
শনিবাৰে মধ্যপ্ৰদেশৰ বিৰুদ্ধে বিহাৰৰ হৈ বিজয় হাজাৰে ট্ৰফীত অভিষেক ঘটাই এই অভিলেখ ভংগ কৰে সূৰ্যবংশীয়ে। ইয়াৰ পূৰ্বে বৈভৱে ৰঞ্জী ট্ৰফী খেলা আৰু ভাৰতৰ ১৯ বছৰ অনুৰ্ধক প্ৰতিনিধিত্ব কৰা আটাইতকৈ কম বয়সীয়া খেলুৱৈ হিচাপে পৰিগণিত হৈছে।
বাওঁহতীয়া বেটছমেন বৈভৱ নৱেম্বৰ মাহত ইণ্ডিয়ান প্ৰিমিয়াৰ লীগ (আই পি এল)ৰ নিলামত বিক্ৰী হোৱা আটাইতকৈ কম বয়সীয়া খেলুৱৈ হিচাপে পৰিগণিত হৈছিল । ৰাজস্থান ৰয়েলছে ১১ কোটি টকাত ক্ৰয় কৰিছিল বৈভৱক। তেতিয়াৰ পৰাই বৈভৱৰ নাম অবিৰতভাৱে শিৰোনামত আছে।
১৩ বছৰ ২৬৯ দিন বয়সত সূৰ্যবংশীয়ে ১৯৯৯/০০ ছিজনত আলী আকবৰে পূৰ্বৰ অভিলেখ ভংগ কৰিলে। ১৪ বছৰ ৫১ দিন বয়সত বিদৰ্ভৰ হৈ এখন মেচ খেলি অভিলেখ গঢ়িছিল আকবৰে।
অৱশ্যে এই অভিষেক বৈভৱ সূৰ্যবংশীৰ বাবে বৰ ভাল নাছিল, তেওঁ দুটা বলত মাথো ৪ ৰান সংগ্ৰহ কৰিয়ে আউট হয়। প্ৰথমটো বলতে চাৰি কোবাই বৈভৱে। বিহাৰ দলে খেলখনত মাত্ৰ ১৯৬ ৰানহে কৰিব পাৰে। যাৰ বাবে মধ্যপ্ৰদেশে জয়ী হোৱাৰ ক্ষেত্ৰত বিশেষ সমস্যাৰ সন্মুখীন নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
