বাংলাদেশক পৰাস্ত কৰি এছিয়া কাপত বিজয় সাব্যস্ত ভাৰতীয় দলৰ
বাংলাদেশক পৰাস্ত কৰি ভাৰতীয় মহিলা দলে বিজয় সাব্যস্ত কৰিলে এছিয়া কাপত। ১৯ বছৰ অনুৰ্ধৰ মহিলা এছিয়া কাপ ২০২৪ৰ খিতাপ দখল কৰিছে মহিলা দলে। ফাইনেলত বাংলাদেশক পৰাস্ত কৰে টিম ইণ্ডিয়াই।
প্ৰথমে বেটিং কৰি নিকি প্ৰসাদৰ অধিনায়কত্বত থকা ভাৰতীয় দলটোৱে ১১৮ ৰানৰ লক্ষ্য নিৰ্ধাৰণ কৰে। ইয়াৰ বিপৰীতে বাংলাদেশ দলে ৭৬ ৰান সংগ্ৰহ কৰি অল আউট হয়। টিম ইণ্ডিয়াৰ হৈ জি তৃষাই শক্তিশালী প্ৰদৰ্শন আগবঢ়ায়। তেওঁ প্ৰতিযোগিতাখনৰ শ্ৰেষ্ঠ খেলুৱৈৰ খিতাপ লাভ কৰে।
https://x.com/BCCIWomen/status/1870696565255668074
ফাইনেলত ভাৰতে বান্ধি দিয়া লক্ষ্য পাৰ কৰিবলৈ অহা বাংলাদেশৰ দলটোৱে মাথো ৭৬ ৰানৰ স্ক’ৰতে সকলো আউট হয়। আৰু ৪১ ৰানৰ ব্যৱধানত ভাৰতীয় মহিলা ক্ৰিকেট দলটোৱে বিজয় হাঁহি মাৰে।
সমগ্ৰ প্ৰতিযোগিতাখনত টিম ইণ্ডিয়াই ভাল প্ৰদৰ্শন আগবঢ়ায়। আয়ুষী শুক্লাৰ লগতে জি তৃষাইও ভাৰতৰ হৈ ভাল প্ৰদৰ্শন আগবঢ়ায়। জি তৃষাক টুৰ্ণামেণ্টৰ শ্ৰেষ্ঠ খেলুৱৈ হিচাপে নিৰ্বাচিত কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
