নেৰিলে পপকৰ্ণকো, সোৱাদ অনুসৰি ৫ৰ পৰা ১৮ শতাংশ লৈকে কৰ দিব লাগিব পপকৰ্ণ খালে
বিত্তমন্ত্ৰী নিৰ্মলা সীতাৰমনৰ অধ্যক্ষতাত জি এছ টিৰ ৫৫ সংখ্যক বৈঠক অনুষ্ঠিত হয়। ৰাজস্থানৰ জয়ছালমেৰত অনুষ্ঠিত এই বৈঠকত বহু ডাঙৰ ডাঙৰ সিদ্ধান্ত লোৱা হৈছে। এইবাৰৰ এই বৈঠকত পপকৰ্ণৰ ওপৰতো কৰ আৰোপ নিৰ্মলা সীতাৰমনৰ।
পপকৰ্ণৰ ওপৰত বহু ধৰণৰ কৰ আৰোপ কৰা হৈছে যদিও চাউলৰ দাম, বীমা আৰু বৈদ্যুতিক বাহনৰ ওপৰতো কৰৰ পৰিৱৰ্তন হৈছে।
২০২৩ চনত পপকৰ্ণ ব্যৱসায়ৰ মূল্য আছিল ১২০০ কোটি টকা। এনে পৰিস্থিতিত জি এছ টি পৰিষদে পপকৰ্ণৰ ওপৰত ৩ প্ৰকাৰৰ কৰ আৰোপ কৰিবলৈ অনুমোদন জনাইছে। পপকৰ্ণৰ সোৱাদৰ ওপৰত এই কৰ আৰোপ কৰা হ’ব।
জি এছ টি কাউন্সিলৰ তথ্য অনুসৰি নিমখ আৰু মছলাযুক্ত নন-লেবেল পপকৰ্ণৰ ওপৰত ৫% কৰ লাগিব। আনহাতে যিবোৰ পপকৰ্ণত নিমখ আৰু মছলাৰ লেবেল সোৱাদ হয়, সেইবোৰৰ জিএছটি হাৰ হ’ব ১২%। ইয়াৰ উপৰিও চেনিৰ সোৱাদযুক্ত কেৰামেল পপকৰ্ণৰ ওপৰত ১৮% জি এছ টি আৰোপ কৰা হ’ব।
ইয়াৰ বাহিৰেও জি এছ টি কাউন্সিলৰ বৈঠকত ইলেক্ট্ৰনিক বাহনৰ টেক্সৰ ওপৰতো সালসলনি কৰিছে। নতুন বৈদ্যুতিক বাহনৰ জিএছটিৰ হাৰ মাত্ৰ ৫ শতাংশ হ’ব যদিও ব্যৱহৃত ইভিৰ ওপৰত ১৮ শতাংশ পৰ্যন্ত জিএছটি আৰোপ কৰা হ’ব।
দাম হ্ৰাস পোৱাৰ ক্ষেত্ৰত জি এছ টি কাউন্সিলে ফৰ্টিফাইড চাউলৰ ওপৰত কৰ ৫%লৈ হ্ৰাস কৰিছে। আনহাতে জিন থেৰাপীক কৰমুক্ত কৰা হৈছে। ইয়াৰ উপৰিও ছাই থকা এচিচি ব্লকত জিএছটিৰ হাৰ ১৮%ৰ পৰা ১২%লৈ হ্ৰাস কৰা হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
