অসম লাইভ ২৪ঃ শীঘ্ৰেই কোভিড ভেকচিন গ্ৰহণ কৰিব বাবা ৰামদেৱে। হঠাৎ সুৰ সলনি হ’ল ৰামদেৱৰ। কিছু দিন পূৰ্বে এল’পেথিক চিকিৎসা সন্দৰ্ভত বিতৰ্কিত মন্তব্য কৰি চিকিৎসকৰ ৰোষত পৰিছিল বাবা ৰামদেৱ। এল’পেথিক চিকিৎসা আৰু ভেকচিনে কোভিড সংক্ৰমণ ৰোধ কৰিব নোৱাৰে বুলি বিতৰ্কিত মন্তব্য কৰিছিল তেওঁ। কিন্তু ২১ জুনৰ পৰা দেশত কঠোৰ ভেকচিনেচন নীতি বলবৎ হ’ব বুলি প্ৰধানমন্ত্ৰীয়ে ঘোষণা কৰাৰ পাছতেই বৃহস্পতিবাৰে হৰিদ্বাৰত এই মন্তব্য কৰে ৰামদেৱে। ৰামদেৱে কয়, ‘ভেকচিনৰ দুয়োটা পালিৰ লগতে যোগ-আয়ুৰ্বেদেৰে দুগুণ সুৰক্ষা লাভ কৰক। সকলোৰে একত্ৰিত শক্তিৰে কোভিডৰ বিৰুদ্ধে যুঁজিবলৈ অধিক শক্তি প্ৰদান কৰিব ব্যক্তিক’। ২১ জুনৰ পৰা আৰম্ভ হ’বলগীয়া দেশৰ নতুন কোভিড নীতিক আদৰণি জনায় ৰামদেৱে। মোদীৰ এই পদক্ষেপক ‘ঐতিহাসিক পদক্ষেপ’ বুলি উল্লেখ কৰাৰ লগতে ভেকচিন গ্ৰহণ কৰিবলৈও সকলোকে আহ্বান জনালে বাবা ৰামদেৱে। লগতে চিকিৎসকসকলক ‘ঈশ্বৰৰ দূত’ বুলিও মন্তব্য কৰে ৰামদেৱে। এই মন্তব্যৰ পাছতে এতিয়া পুনৰ চৰ্চালৈ আহিছে বাবা ৰামদেৱ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ