জন্মৰ পাছতে হাস্পতালত সলনি হৈছিল বলীউডৰ এইগৰাকী অভিনেত্ৰী, মাতৃয়ে কোনোমতে কৰিছিল উদ্ধাৰ
বলীউডৰ এগৰাকী অন্যতম জনপ্ৰিয় অভিনেত্ৰী, যাৰ অভিনয় দক্ষতাই অগণণ দৰ্শকৰ হৃদয় জয় কৰি আহিছে। বলীউডৰ তিনি খান শ্বাহৰুখ, আমিৰ ছলমানৰ সৈতে কাম কৰি হিট ছবি দিছে অনুৰাগীক। অমিতাভ বচ্চনৰ সৈতেও কাম কৰি দিছে ছুপাৰহিট ছবি।
পাছে সেই সুদক্ষ তথা সফল অভিনেত্ৰীগৰাকী জন্মৰ পাছতে হাস্পতালত সলনি হৈ গৈছিল। মাতৃয়ে কোনোমতে উদ্ধাৰ কৰিবলৈ সফল হৈছিল। যদিহে সেইদিনা মাতৃয়ে হেৰুৱা সন্তান বিচাৰি নাপালেহেতেন, তেন্তে আজি ভাৰতেও নাপালে হেতেন এই গৰাকী বিশেষ অভিনেত্ৰী।
সেই অভিনেত্ৰীগৰাকীয়ে হৈছে ৰাণী মুখাৰ্জী। যিয়ে অভিনয় জীৱনত কৰা প্ৰায় গোটেই কেইখন ছবিয়ে হিট হৈছে।
ৰাণীৰ পিতৃ ৰাম মুখাৰ্জী চলচ্চিত্ৰ নিৰ্মাতা হোৱাৰ বিপৰীতে মাতৃ কৃষ্ণ মুখাৰ্জী আছিল প্লেবেক গায়িকা। ১৯৭৮ চনৰ ২১ মাৰ্চত মুম্বাইত কৃষ্ণ মুখাৰ্জী আৰু ৰাম মুখাৰ্জীৰ ঘৰত ৰাণীৰ জন্ম হয়। জন্মৰ পিছতে ৰাণী চিকিৎসালয়ত আন এটা পৰিয়ালৰ সৈতে সালসলনি হৈ পৰিছিল।
এটা পাঞ্জাবী পৰিয়ালৰ সৈতে আদান-প্ৰদান হৈছিল ৰাণী মুখাৰ্জী। যেতিয়া আন এটা সন্তান আনি হাস্পতাল কৰ্তৃপক্ষই মাতৃৰ হাতত দিছিল, তেতিয়া লগে লগে মাতৃয়ে কৈ উঠিছিল, এয়া মোৰ সন্তান নহয়।
তেতিয়া হাহাকাৰ লাগি যায় সকলোফালে, আৰু বিচাৰি বিচাৰি পাঞ্জাৱী পৰিয়ালটোৰ ওচৰত উদ্ধাৰ কৰে সদ্যোজাত ৰাণীক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
