অসম লাইভ২৪ঃ ‘এবাৰ ভাওনাত বহুৱালী কৰি অসমবাসীৰ ওচৰত মাফ খুজিও শিক্ষা নহ’ল নেকি দীপজ্যোতি কেওট ওৰফে মোহনৰ?’ যোৰহাটৰ এখন ৰাসলীলাত ভাগ লৈ কে কে মোহনে কৰা অভিনয় দেখি এতিয়া খঙত টিঙিৰিতুলা হৈছে একাংশ নেটিজেন। কে কে মোহনে ৰাসৰ নামত কি আৰম্ভ কৰিছে?
ৰাস অসমীয়া সংস্কৃতিক অন্য এক পৰিচয়। কাজিৰঙাৰ গড়েই কেৱল অসমৰ পৰিচয় বিশ্ব দৰবাৰত নিদিয়ে দিয়ে এইসমূহ সংস্কৃতিয়েও। কেৱল ৰাস চাবৰ বাবেই ৰাজ্যলৈ আহে বহু বিদেশী পৰ্যটক। তেনে সময়ত ৰাসত বিকৃত অভিনয় কৰি সামাজিক মাধ্যমত চৰ্চিত হৈছে ধাৰাবাহিকৰ দুই অভিনেতা কেকে-মোহন।
দীপজ্যোতি কেওট আৰু সিদ্ধাৰ্থ শৰ্মাৰ ৰাসৰ ভাইৰেল ক্লিপটো দেখা মাত্ৰকেই নেটিজেনে লিখিছে, ‘ধেইৎ, শেষ কৰি আনিছে সকলো, এইবোৰ বহুৱালী কমেডি চিৰিয়েলতহে ভাল লাগে, সাৱধান আকৌ যাতে ক্ষমা খুজিব লগা নহয়।’ সচেতন একাংশ নেটিজেনে এই বহুৱালী আৰু যাতে নহয় তাৰ বাবেও সামাজিক মাধ্যমযোগে দুয়োকে সঁকীয়াই দিয়াও পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
