অসম লাইভ২৪ঃ প্ৰেম হৈ যায়। কৰিম কৰিম বুলি নাথাকিলেও এপলক সময়তে প্ৰেমে হৃদয় ভৰাই যায়। প্ৰেমত পৰিবলৈতো চুক্তিৰ প্ৰয়োজন নাই। এই কথা প্ৰমান কৰি দিলে এগৰাকী যুৱতীয়ে। গাড়ীৰ চালকৰ প্ৰেমত পৰিল যুৱতীগৰাকী। প্ৰেমত পৰিয়েই বিবাহৰ সিদ্ধান্ত লোৱা যুৱতীৰ মন্তব্যই এতিয়া তেওঁক চৰ্চাৰ শিখৰলৈ আনিছে। ঘৰুৱা গাড়ীচালকৰ গাড়ীৰ গেয়াৰ সলনিৰ ষ্টাইল দেখিয়েই প্ৰেমত পৰিছিল যুৱতীগৰাকী। ১৭ বছৰীয়া এই যুৱতীগৰাকীয়ে ২১ বছৰীয়া যুৱকজনৰ এই ষ্টাইলটোৰ বাবেই বিয়াও কৰায় ড্ৰাইভাগৰাকীক।
সম্প্ৰতি পাকিস্তানৰ এটা সংবাদ প্ৰতিষ্ঠানত নৱ দম্পত্তিহালৰ বিয়াৰ প্ৰসংগই দখল কৰিছে শিৰোনাম। দম্পত্তিহালৰ প্ৰেমৰ অভূতপূৰ্ব কাহিনীয়ে সকলোকে সচকিত কৰি তুলিছে। কেনেকৈ আৰম্ভ হৈছিল এই প্ৰেম কাহিনী? কিশোৰীগৰাকীৰ পিতৃ-মাতৃয়ে ড্ৰাইভাৰ হিচাপে নিয়োগ কৰিছিল যুৱকজনক। পিতৃমাতৃয়ে কল্পনাও কৰিব পৰা নাছিল ড্ৰাইভাৰেৰে প্ৰেম কৰিব কন্যাই। খতিজা নাম্মী নামৰ কিশোৰীগৰাকী গাড়ীচালকৰ প্ৰেমত পৰে। প্ৰেমত পৰাৰ কাৰণো এটাই, যুৱকজনৰ গেয়াৰ সলনি ষ্টাইলটো অন্যতকৈ পৃথক।
গেয়াৰ সলনিৰ ষ্টাইলে ইমানেই মুগ্ধ কৰে যে যুৱকজনৰ প্ৰেমত পৰে খতিজা। পিতৃ-মাতৃয়ে খতিজাক গাড়ী শিকিবলৈকো ব্যৱস্থা কৰি দিছিল যদিও খতিজাই গাড়ী শিকাতকৈ যুৱকজনক প্ৰেমৰ প্ৰস্তাৱ দিয়াতহে মনোনিবেশ কৰে। অৱশেষত খতিজাৰ গাড়ী শিকা নহ’ল যদিও গাড়ীচালককহে আজীৱন লগৰী কৰি লোৱাৰ সিদ্ধান্ত লয়। ইতিমধ্যে এই প্ৰেমিক যুঁটিটোৰ বিবাহ সম্পন্ন হৈছে। দুয়োৱে প্ৰকাশ কৰা অনুযায়ী প্রণয়ৰ বান্ধোনেই নহয় প্ৰেমৰো বান্ধোন আছে দুয়োৰে মাজত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
