তৰুণ প্ৰজন্ম মানেই নতুন চিন্তাৰে আগবাঢ়িব খোজা, পোছাক খোলামেলা প্ৰবীণসকলৰ দৰে কোনো নিয়মৰ নামত কট্টৰ নহৈ মুকলি চিন্তাৰে আগবঢ়া প্ৰজন্মটো৷ সহজ ভাষাৰে তেওঁলোকৰ নাম দিয়া হৈছে জেন-জি৷ তেওঁলোকৰ চিন্তা একেবাৰেই মুকলি, সমাজ জীৱন, যৌনজীৱন, চিনেমা সাহিত্য সকলোবোৰ বিষয়তে জ্ঞান লৈ আগবঢ়া৷ তেওঁলোকে ছেক্স এডুকেছনক লৈয়ো খোলাখুলিভাৱে আলোচনা কৰিবলৈ লাজ নকৰে৷ কিন্তু বয়স্ক লোকসকলে চিন্তা কৰা ধৰণে তেওঁলোকে যৌন জীৱনক লুকাই চোৰকৈ আগুৱাই নিয়াৰো পক্ষপাতী নহয়৷ তেওঁলোক এইক্ষেত্ৰতো সম্পূৰ্ণ মুকলি৷
সাম্প্ৰতিক এক ছাৰ্ভেত প্ৰকাশ পোৱা তথ্যই জেন-জি বিপথে যোৱা প্ৰজন্ম বুলি ভৱাসকলক মোক্ষম আঘাত দিছে৷ সংশ্লিষ্ট মাৰ্কিন সংস্থাই জনাইছে যে ১৯৯০ চনৰ সমসাময়িক প্ৰজন্মৰ মাজত যৌন কাৰ্যকলাপত যুক্ত থকাৰ হাৰ আছিল ৫৫ শতাংশ৷ অথচ সাম্প্ৰতিককালত সেয়া নামি হৈছে ৩৭শতাংশ৷ সেই অনুসৰি আগন্তুক দিনত এয়াযে আৰু কমিব তাত সন্দেহ নাই৷ কিয় যৌন মিলনৰ প্ৰতি তৰুণ প্ৰজন্মৰ আগ্ৰহ কমিছে? আঁৰত কি কি কাৰণ আছে? গৱেষণাত উঠিছে বহুবিধ কাৰণ৷
শিক্ষাৰ হাৰ বঢ়াৰ লগে লগেই কমিছে মানুহৰ যৌন আগ্ৰহ৷ সেই কাৰণেই নিম্ন শিক্ষাৰ হাৰযুক্ত এলেকাসমূহত আজিও জনসংখ্যাক লৈ আজিও মূৰৰ কামূৰণি আছে প্ৰশাসকৰ৷
তৰুণ প্ৰজন্ম সৰ্বদা কামত ব্যস্ত থাকে৷ দ্ৰুত ডিজিটেল জীৱনৰ সৈতে মিলি বেছিভাগৰেই দিন ৰাতি স্ক্ৰিণৰ সন্মুখতে পাৰ হয়৷ আৰ্থিক হওক বা সামাজিকভাৱে পিছপৰি যোৱাৰ টেনছন তেওঁলোকৰ মূৰত সৰ্বদা থাকে৷ ফলত যৌনতাৰ প্ৰতি অনাগ্ৰহী দেখা যায় তেওঁলোকক৷
মানসিক অৱসাদ৷ যৌনতা শৰীৰী খেলা হলেও তাত মনৰ অংশগ্ৰহণ অনস্বীকাৰ্য৷ মানসিক অৱসাদে য’ত গ্ৰাস কৰিছে মানুহক তাতেই যৌনতাৰ প্ৰতি তেওঁলোক নিৰ্লিপ্ত হৈ থাকে৷ বিভিন্ন সমীক্ষাত দেখা গৈছে যে সময় থাকোতে মানসিক ৰোগৰ চিকিৎসা নকৰালে যৌন জীৱনৰ প্ৰতি তেওঁলোক একেবাৰে অনাগ্ৰহী হৈ পৰিব পাৰে৷
জেন জিৰ মাজত বাঢ়িছে হীনমন্যতা, আত্মগ্লানি, হতাশা৷ যদিও এয়া মানসিক অৱসাদৰেই প্ৰতিফলত তথাপিও ইয়াত জড়িত হৈ আছে সামাজিকভাৱে মানি ল’ব নোৱৰাৰ বিষয়টোও৷ বৰ্তমান সকলোৱেই প্ৰতিযোগিতাৰ দৌৰত প্ৰতিদিনে দৌৰি আছে৷ কোনোৱে ভাল চাকৰি, কোনোৱে ভাল এখন ঘৰ, দামী বাহন, বিদেশ যাত্ৰা ইত্যাদি ইত্যাদিৰ দৌৰত চামিল সকলো৷ জীৱনতকৈ নিৰন্তৰ দৌৰ বেছি তৰুণ প্ৰজন্মৰ৷ অন্যৰ উন্নতি প্ৰতিমুহূৰ্ততে হাতৰ মুঠিতেই দেখা পাইছে৷ সেয়ে এই প্ৰতিযোগিতা অঘোষিতভাৱেই নিজেই চলাই গৈছে আজিৰ প্ৰজন্মই৷ জীৱনৰ আনন্দ অনুভৱ কৰিবলৈ অৱকাশেই নাই৷ সেয়ে এই জীৱনধাৰাত স্থান হেৰুৱাইছে যৌন মিলনেও৷
পূৰ্বৰ দৰে ধীৰ স্থিৰ জীৱনত সুস্থ দাম্পত্য, সুখী যৌনজীৱন আদি বিষয়ে গুৰুত্ব পাইছিল৷ কিন্তু বৰ্তমান প্ৰজন্মই নিজকে অন্যধৰণে ভাৱিবলৈ লৈছে৷ পুৰুষ হওক বা মহিলা প্ৰত্যেকেই এতিয়া নিজৰ এক পৰিচয় গঢ়াৰ দৌৰত চামিল হৈছে যাৰফলত যৌনজীৱনৰ দিশটো তেনেই সৰু এক বিষয় হৈ পৰিছে তেওঁলোকৰ বাবে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
