অসম লাইভ২৪ঃ ভাৰতীয় ক্ৰিকেটাৰ ঋষভ পন্থৰ স্বাস্থ্যৰ অৱনতি ঘটাত বুধবাৰে ঋষভক উন্নত চিকিৎসাৰ বাবে মুম্বাইলৈ লৈ যোৱা হৈছে। দিল্লীৰ ডিছট্ৰিক্ট ক্ৰিকেট এছচিয়েছনৰ ডাইৰেক্টৰ শ্যাম সুন্দৰে প্ৰকাশ কৰিছে এই তথ্য। পন্থ বৰ্তমান ডেৰাডুনৰ মাক্স হাস্পতালত চিকিৎসাধীন হৈ আছিল পন্থ। শৰীৰত একাধিক আঘাত লাগিছে পন্থৰ। ভৰিত পোৱা আঘাতৰ চিকিৎসা বৰ্তমানো আৰম্ভ হোৱা নাই বুলি জনাইছে চিকিৎসক কৰ্তৃপক্ষই। BCCI-য়েও তেওঁৰ ভৰিৰ চিকিৎসা মুম্বাইতে কৰোৱা হ’ব বুলি প্ৰকাশ কৰিছে।
ক্ৰিকেটাৰসকলৰ চিকিৎসা সাধাৰণতে মুম্বাইতেই কৰা হয়। সেয়ে ঋষভৰ ভৰিৰ চিকিৎসাৰ বাবে মুম্বাইকেই বাছনি কৰিছে BCCI-কৰ্তৃপক্ষই। ৩০ ডিচেম্বৰৰ পুৱা ৫ বজাত দুৰ্ঘটনাত পতিত হৈছিল ঋষভ। দিল্লী-ডেৰাডুন ৰাষ্ট্ৰীয় ঘাইপথত সংঘটিত হৈছিল এই দুৰ্ঘটনাটো। দুৰ্ঘটনাৰ পাছতেই সম্পূৰ্ণৰূপে জ্বলি গৈছিল বাহনখন। কোনোপ্ৰকাৰে জীৱন্তে গাড়ীৰ পৰা বাহিৰলৈ ওলাইছিল পন্থ।
চিকিৎসক কৰ্তৃপক্ষই জনোৱামতে পন্থৰ কপালত দুটা গভীৰ ক্ষতস্থান আছে। পিঠিতো গুৰুতৰ আঘাত পাইছে পন্থে। কঁকালৰ হাড়তো আঘাত পোৱা বুলি জনাইছে চিকিৎসক কৰ্তৃপক্ষই। পন্থৰ মুখ আৰু শৰীৰত পোৱা আঘাতৰ প্লাষ্টিক চাৰ্জাৰী কৰিব লাগিব। ইতিমধ্যে দুটামান চাৰ্জাৰীও সম্পন্ন হৈছে। মাক্স হাস্পতালত ICU-ৰ পৰা সাধাৰণ ৱাৰ্ডলৈ অনাৰ লগে লগেই ফুলি উঠিছে পন্থৰ শৰীৰ। যাৰভাৱে আজি দ্ৰুততৰভাৱে মুম্বাইলৈ উন্নত চিকিৎসাৰ বাবে লৈ যোৱা হৈছে পন্থক।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
