অকলেই চৰকাৰ গঠন কৰা সম্ভৱ নহয় বিজেপি দলৰ৷ এন ডিএৰ সহায় অবিহনে এইবাৰ মোদী শূন্য৷ ৮জুনত প্ৰধানমন্ত্ৰী হিচাপে শপত ল’ব মোদীয়ে৷ ইয়াৰ পূৰ্বে ৭ জুনত এখন বিশেষ বৈঠকত অংশ ল’ব মিত্ৰজোঁটে৷ এই বৈঠকতেই মোদীয় সংসদীয় নেতা হিচাপে নিৰ্বাচিত কৰা হ’ব আৰু অন্যান্য সংযোগী দলৰ মতামতসমূহো গ্ৰহণ কৰা হ’ব৷
সূত্ৰৰ খবৰ অনুসৰি শপত গ্ৰহণৰ পূৰ্বে টিডিপি, জেডিইউ, জেডিএছে কেইবাটাও ডিমাণ্ড ৰাখিছে মোদীৰ ওচৰত৷ এই দাবীসমূহ পূৰণ কৰিলেহে মোদীৰ সৈতে চৰকাৰ গঠনত তেওঁলোকে সহযোগী দল হিচাপে থাকিব বুলিও এক সূত্ৰই প্ৰকাশ কৰিছে৷ নীতীশৰ চকু ৰে’ল আৰু বিত্ত বিভাগত হোৱাৰ বিপৰীতে টিডিপিক লাগে ১০টাকৈ বিভাগ৷
টিডিপিয়ে দাবী কৰিছে ১০টাকৈ মন্ত্ৰীত্বৰ পদ৷ মন্ত্ৰীতকৈয়ো ডাঙৰ পদ লাগে টিডিপিক বুলি সূত্ৰটোৱে প্ৰকাশ কৰিছে৷ টিডিপিয়ে দাবী কৰিছে লোকসভাৰ অধ্যক্ষ পদো৷ ইমানেই নহয় চন্দ্ৰবাবু নাইডুক লাগে মন্ত্ৰীসভাৰ ১০টাকৈ বিভাগো৷ কি কি বিভাগ দাবী কৰিছে চন্দ্ৰবাবু নাইডুৰ দলে?
লোকসভাৰ অধ্যক্ষ পদ
পথ পৰিবহন বিভাগ
স্বাস্থ্য
গৃহ নিৰ্মাণ আৰু নগৰ পৰিক্ৰমা বিভাগ
কৃষি
তথ্য সম্প্ৰচাৰ
জলসম্পদ বিভাগ
শিক্ষা
বিত্ত
গ্ৰাম্য উন্নয়ন
লোকসভা নিৰ্বাচনত বিজেপি নেতৃত্বাধীন এন ডি এ জোঁটে ২৯২ আসন লাভ কৰাৰ বিপৰীতে ইণ্ডিয়া জোঁটে লাভ কৰিছে ২৩৪ খন আসন৷ বিজেপিৰ সংখ্যাগৰিষ্ঠতাৰ আসন ২৭২ৰ পৰা কমি হৈছেগৈ ২৪০খন৷ আনহাতে প্ৰধান বিৰোধী দল কংগ্ৰেছে লাভ কৰিছে ৯৯খন আসন৷ ২০১৯ চনত কংগ্ৰেছ দলে লাভ কৰিছিল মাত্ৰ ৫২খন আসন৷ এইবাৰৰ নিৰ্বাচনত ৪৭খন আসন বৃদ্ধি হৈছে কংগ্ৰেছৰ৷
NDAৰ ডাঙৰ ৫টা মিত্ৰদল কি কি?
- TDP(তেলেগু দেশম পাৰ্টী- মুঠ আসন ১৪
- জেডিইউ- মুঠ আসন ১২
- শিৱসেনা- মুঠ আসন৭
- এল জে পি(ৰামভিলাছ)- ৫
- জেডিএছ- মুঠ ২খন আসন
আটাইতকৈ বেছি আসন থকা মিত্ৰদল তেলেগু দেশম পাৰ্টীৰ নেতা চন্দ্ৰবাবু নাইডুয়ে মন্ত্ৰীত্বই দাবী কৰিব পাৰে তেনে নহয়৷ চন্দ্ৰবাবু নাইডুয়ে অন্ধ্ৰপ্ৰদেশৰ বাবে বিশেষ ৰাজ্যৰ মৰ্যাদাও দাবী কৰিব পাৰে কেন্দ্ৰক৷ দেশৰ অন্যান্য অঞ্চলতকৈ পিছপৰা ৰাজ্যসমূহক বিশেষ ৰাজ্যৰ মৰ্যাদা দিয়া হয়৷ তেনেক্ষেত্ৰত অন্ধ্ৰপ্ৰদেশৰ বাবেও এই মৰ্যাদা দাবী কৰাৰ থল আছে যাৰবাবে নাইডুয়ে এই দাবী ৰাখিব পাৰে বুলি জনাইছে একাংশ সূত্ৰই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
