২৬যাত্ৰীৰে সৈতে ট্ৰেভেলাৰ বাগৰি ১৪গৰাকী নিহত, নিহতৰ সংখ্যা আৰু অধিক বৃদ্ধি পোৱাৰ আশংকা
অতিকে শোকাৱহ তথা ভয়ংকৰ ঘটনা ২৬ গৰাকী যাত্ৰীৰে সৈতে কেইবা ফুট তলত বাগৰি পৰিল বাহন। যাৰ ফলত একেলগে প্ৰাণ হেৰুৱালে ১৪ গৰাকীকৈ লোকে। মৃতকৰ সংখ্যা আৰু অধিক বৃদ্ধি পোৱাৰ আশংকা।
২৫০ ফুট দলত বাগৰি পৰাৰ ফলত এইদৰে মৃত্যুক সাৱটি লয় বহু কেইগৰাকী লোকে। উদ্ধাৰ অভিযান বৰ্তমানেও অব্যাহত ৰাখিছে উদ্ধাৰকীৰ দলে। ট্ৰেভেলাৰ বাহনখনে নিয়ন্ত্ৰণ হেৰুৱাৰ ফলতে এই ভয়ংকৰ দুৰ্ঘটনাটো সংঘটিত হয়।
উত্তৰাখণ্ডৰ ৰুদ্ৰপ্ৰয়াগ জিলাত সংঘটিত হৈছে এই ভয়ংকৰ দুৰ্ঘটনাটো। নিয়ন্ত্ৰণ হেৰুাৱই বাহনখনে অলকানন্দা নদীত বাগৰি পৰে। উদ্ধাৰকাৰী দলে ভাঙি চুৰমাৰ হৈ পৰা বাহনখনৰ পৰা ১৪গৰাকীৰ নিথৰ দেহ টানি উলিওয়াৰ লগতে আন কেইবাগৰাকী লোকক জীৱিত অৱস্থাত উদ্ধাৰ কৰে।
https://x.com/ANI/status/1801888948177785030
অৱশ্যে উদ্ধাৰ কৰা কেউগৰাকী লোকৰ অৱস্থা সংকটজনক। সকলো আহত লোককে ততাতৈয়াকৈ হেলিকপ্টাৰৰ সহায়ত এইমছ আৰু নিকট হাস্পতালত ভৰ্তি কৰোৱা হৈছে। এতিয়া কেইজনমান লোক সেই ভাঙি চেপেটা লগে বাহনৰ ভিতৰত আৱদ্ধ। বাহন কাটিহে তেওঁলোকক উদ্ধাৰ কৰিব পৰা যাব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
