মাথো এটা সপ্তাহতে লাভ কৰক উজ্জলতা, মুলতানি মাটিৰ সৈতে ব্যৱহাৰ কৰক এবিধ মাত্ৰ সামগ্ৰী
আজিকালি বজাৰত ছালৰ যত্ন লোৱা সামগ্ৰীৰ কোনো অভাৱ নাই। ভিন্ন ছালৰ সৈতে মিলাকৈ বিভিন্ন সামগ্ৰী। পাছে সেই সামগ্ৰী ক্ৰয় কৰিবলৈ বহুতৰে নাই টকা, কিয়নো বহু দামী দামী এই প্ৰশাধন সামগ্ৰীবোৰ। তেনে স্থলত অতি কম খৰচতে ঘৰতে লাভ কৰক উজ্জল আৰু সুন্দৰ ছাল।
কিছুমান এনে বস্তু আছে যিবোৰ কেৱল আমিই নহয়, আমাৰ আইতাসকলেও অনাদিকালৰ পৰা ব্যৱহাৰ কৰি আহিছে। সেই সামগ্ৰী হৈছে মুলতানি মাটি। ৰজা মহাৰজাৰ দিনটো ৰাণী সকলে সৌন্দৰ্য চৰ্চাৰ বাবে ব্যৱহাৰ কৰিছিল মুলতানি মাটি। ইয়াত জিংক, চিলিকা, আইৰণ, মেগনেছিয়াম আৰু অক্সাইড থাকে। এই মাটিয়ে মুখৰ পৰা অতিৰিক্ত তেল শোষণ কৰি ছালখন কোমল আৰু সুন্দৰ কৰি তোলাত ফলপ্ৰসূ।
কিদৰে ব্যৱহাৰ কৰিব-
মুলতানি মাটি আৰু মৌ – এই ফেচ পেকটো কম্বিনেচন ছালৰ বাবে একেবাৰে উপযুক্ত। এই ফেচ পেক বনাবলৈ এটা মুলতানি মিট্টি লৈ এচামুচ মৌ মিহলাই লওক। পেষ্ট বনাই মুখত লগাওক। এই ফেচ পেকটো ১৫ৰ পৰা ২০ মিনিট মুখত লগাই তাৰ পিছত ধুই পেলাওক। ছাল জিলিকি উঠিব।
মুলতানি মাটি আৰু দৈ – এই ফেচ পেক মুখৰ পৰা মৃত ছালৰ কোষ আঁতৰোৱাৰ বাবে অতি উপকাৰী। এই ফেচ পেকটো বনাবলৈ ২ চামুচ মুলতানি মিট্টি লৈ তাত প্ৰয়োজন অনুসৰি দৈ মিহলাই লওক। পেষ্ট এটা প্ৰস্তুত কৰি আধা ঘণ্টা মুখত লগাই তাৰ পিছত ধুই পেলাওক। এই ফেচ পেকে মুখৰ ছাল গভীৰভাৱে পৰিষ্কাৰ কৰি উজ্জলতা প্ৰদান কৰে।
মুলতানি মাটি আৰু গাখীৰ – মুলতানি মিটি আৰু গাখীৰ প্ৰয়োজন অনুসাৰে মিহলাই লওক। ইয়াত এচামুচ এলোভেৰা জেলো দিব পাৰি। পেষ্ট বনাই মুখত লগাই ২০ মিনিটৰ পিছত মুখখন ধুব। ছালখন জিলিকি উঠিব। এই ফেচ পেকটো সপ্তাহত এবাৰ মুখত লগাব পাৰি।
মুলতানি মাটি – এই ফেচ পেক তেলীয়া ছালৰ বাবে অতি উত্তম। ফেচ পেক বনাবলৈ প্ৰয়োজন অনুসৰি গোলাপ জলৰ লগত মুলতানি মাটি মিহলাই পেষ্ট প্ৰস্তুত কৰি মুখত লগাওক। ১৫ৰ পৰা ২০ মিনিটৰ পিছত মুখখন ধুব। সপ্তাহত ২-৩ বাৰ ব্যৱহাৰ কৰিব পাৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
