নাৰ্ভৰ অসুখে কেতিয়া কাক আক্ৰমণ কৰে সেয়া ক’ব নোৱাৰি৷ কেৱল হাৰ্ট, লিভাৰ কিডনিয়েই নহয়, নাৰ্ভৰ অসুখো সমানে ভয়ংকৰ৷ জটিল নাৰ্ভৰ অসুখত আক্ৰান্ত খোদ বলীউডৰ ভাইজাৰ ছলমান খানো৷ বিগতবছৰ দ্যা গ্ৰেট ইণ্ডিয়ান কপিল শৰ্মাৰ শ্ব’ত নিজেই এই কথা জনাইছে ছলমান খানে৷ কি অসুখত আক্ৰান্ত ছলমান?
ছলমান খানে জনাইছে যে তেওঁ ব্ৰেইন এনিউৰিজম আৰু আৰ্টেৰিঅভেনাছ মেলফৰমেছনত ভূগি আছে৷ ইয়াৰোপৰি ট্ৰাইজেমিনেল নিউৰলজিয়াতো আক্ৰান্ত তেওঁ৷ নামসমূহ তেনেই সাধাৰণ লাগিলেও এই অসুখ কিন্তু ভয়ংকৰ৷ ইয়াৰ উপসৰ্গ কি? কিমান ভয়ানক?
ট্ৰাইজেমিনেল নিউৰেলজিয়া কি?
ই স্নায়ুৰ এক দীৰ্ঘস্থায়ী সমস্যা৷ যাৰ ফলত মুখৰ এক কাষত হঠাৎ তীব্ৰ বৈদ্যুতিক শ্বকৰ দৰে বিষ অনুভূত হয়৷ সাধাৰণতে এই বিষ অলপ সময়ৰ বাবে থাকে৷ কিন্তু অত্যন্ত তীব্ৰ হয়৷ খোৱা, দাঁত ব্ৰাছ কৰা, কথা কোৱা কিংবা পাতল পতাল লাগিলেও এই বিষ বাঢ়ি যায়৷ এই ৰোগে ট্ৰাইজেমিনেল নাৰ্ভক প্ৰভাৱিত কৰে৷ যিয়ে মুখৰ অনুভূতি মস্তিষ্কলৈ লৈ যায়৷
আৰ্টেৰিওভেনাছ মেলফৰমেছন কি?
ই এক বিৰল আৰু সাধাৰণতে জন্মগত সমস্যা৷ য’ত অস্বাবাৱিকভাৱে জঁট লাগে কিছু ৰক্তনলী ধমনি আৰু শিৰা৷ ফলত স্বাভাৱিক কেপিলাৰি নেটৱৰ্ক কাট খাই যায়৷ তেতিয়াই হাইপ্ৰেছাৰ আৰু দ্ৰুতগতিত ৰক্তপ্ৰবাহ হয় দেহত৷ ফলত আশেপাশে টিছ্যুসমূহত প্ৰয়োজনীয় অক্সিজেন গৈ নাপাব পাৰে৷ আৰ্টেৰিওভেনাছ মেলফৰমেছন সকলোতকৈ বেছি দেখা যায় মস্তিষ্ক বা স্পাইনেল কৰ্ডত৷
ছলমান খানে জনাইছে যে বহু বছৰ ধৰি তেওঁ নাৰ্ভৰ এই সমস্যাসমূহৰ সৈতে যুদ্ধ কৰি আছে৷ ইয়াৰোপৰি বলীউডতো কাম চলাই গৈছে৷ প্ৰশ্ন হয় ব্ৰেইন এনিউৰিজম বা আৰ্টেৰিওভেনাছ মেলফৰমেছনত আক্ৰান্ত হ’লে এজন ব্যক্তিয়ে শাৰীৰিক পৰিশ্ৰম কৰিব পাৰেনে?
এই সন্দৰ্ভত চিকিৎসকে কয় যে AVM থাকিলে দীৰ্ঘসময় ধৰি শৰীৰচৰ্চা বা অত্যন্ত প্ৰেছাৰৰ কাম কৰাত অসুবিধা আহে৷ বিশেষকৈ এনে ব্যায়াম যিয়ে ৰক্তচাপ বঢ়াই দিয়ে৷ যেনে হোয়েট ট্ৰেনিং বা অত্যন্ত কঠিন কাৰ্ডিঅ’ এক্সাৰচাইজ৷ এই সমূহ এক্সাৰচাইজত ৰক্তনলী ফাটি যোৱাৰ আশংকা বাঢ়ে৷ ফলত মস্তিষ্কত ৰক্তক্ষৰণ হ’ব পাৰে৷ পৰ্যাপ্ত বিশ্ৰামৰ অভাৱ, শৰীৰত পানীশূন্যতা আৰু অনিয়ন্ত্ৰিত মানসিক চাপেও ৰক্তনলী ফাটি যোৱাৰ আশংকা বঢ়ায়৷
অৱশ্যে এই সমস্যাসমূহ গুৰুতৰ হলেও সঠিক চিকিৎসা আৰু নিয়মিত ফলোআপৰ মাধ্যমেৰে অধিকাংশ মানুহেই সমস্যাসমূহ নিয়ন্ত্ৰণত ৰাখিব পাৰে৷ ঔষধ বা অস্ত্ৰোপচাৰৰ মাধ্যমেৰে ট্ৰাইজেমিনেল নিউৰলজিয়াৰ চিকিৎসা কৰা সম্ভৱ৷ অন্যহাতে ব্ৰেইন এনিউৰিজম আৰু AVM যদি ফাটি নাযায় আৰু ফটাৰ আশংকাও কম থাকে তেতিয়া নিয়মিত পৰ্যবেক্ষণ ৰখা হয় অথৱা অস্ত্ৰোপচাৰ কিংবা এণ্ডোভাছকুলাৰ থেৰাপিৰ মাধ্যমেৰে চিকিৎসা কৰা হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
