দীৰ্ঘদিনীয়া প্ৰেমৰ সম্পৰ্কৰ অন্তত অৱশেষত বিবাহ পাশত আৱদ্ধ হ’ল দুই সমকামী পুৰুষ অভিষেক ৰায় আৰু চৈতন্য শর্মা৷
যোৱা দেওবাৰে কলকতাৰ এখন হোটেলত দুয়োৱে আড়ম্বৰপূৰ্ণভাৱে হিন্দু ধৰ্মীয় নীতি অনুসাৰে বিবাহপাশত আৱদ্ধ হয়৷ তেওঁলোকৰ বিবাহ অনুষ্ঠানত তেওঁলোকৰ ঘণিষ্ঠ লোকসকলৰ লগতে বহু বিখ্যাত লোকো উপস্থিত থকা দেখা গ’ল৷
কলকতাৰ অভিষেক ৰায় হৈছে এগৰাকী পোছাক ডিজাইনাৰ আৰু তেওঁৰ সংগী গুৰুগাঁৱৰ বাসিন্দা চৈতন্য শৰ্মা ডিজিটেল মাৰ্কেটিঙৰ সৈতে জড়িত৷ তেওঁলোক দুয়োৱে কিছুদিনৰ পৰা অভিষেকৰ ঘৰতে একেলগে আছে আৰু ঘৰৰ পৰাই নিজৰ পেচাগত কাম সম্পন্ন কৰি আহিছে৷
লগতে পঢ়ক এয়াৰ ইণ্ডিয়াৰ পিছত এইবাৰ আন এটা চৰকাৰী প্ৰতিষ্ঠান সোমাল টাটাৰ জেপত!
ইফালে এই সমকামী বিবাহখনে কলকতাত বিশেষ চৰ্চা লাভ কৰিছে৷ কলকতাত সমকামী বিবাহ দেখা নাযায় বুলিও আমন্ত্ৰিত একাংশই মন্তব্য কৰিছে৷
বিবাহ অনুষ্ঠানত উপস্থিত থকা অনিৰুদ্ধ চকলাদাৰে সংবাদ মাধ্যমৰ আগত কয় যে অভিষেক আৰু চৈতন্যৰ বিবাহ অনুষ্ঠানৰ ইমানেই যত্ন লোৱা হৈছে যে ই তেওঁৰ মনটো ভৰাই তুলিছে। “দুয়োজন ডেবিউটেণ্টে সকলোৰে ঘৰলৈ গৈ কাৰ্ড লৈ মাতিছিল। বিবাহখনৰ আয়োজন কৰাত তেওঁলোকে অতি সাৱধানতা অৱলম্বন কৰিছিল। দেখাত সিহঁত সুখী হ’ব।’’
লগতে পঢ়ক প্ৰাক্তন পাক প্ৰধানমন্ত্ৰী ইমৰাণ খানৰ পত্নী বুশ্বৰা বিবিৰ চাঞ্চল্যকৰ অডিঅ’ ক্লীপ লিক
উল্লেখ্য যে ভাৰতত এতিয়াও সমকামী বিবাহ বৈধ নহয়। আইনৰ দৃষ্টিত কোনো দম্পতীয়ে ধৰ্ম সলনি কৰিলেও পৰিয়ালে এই বিবাহক স্বীকৃতি নিদিয়ে। ভাৰততো সমকামিতাক এসময়ত অপৰাধ হিচাপে গণ্য কৰা হৈছিল। ২০১৮ চনত ৩৭৭ নং ধাৰাৰ বাতিল কৰাৰ পিছৰে পৰা সমকামিতাক অপৰাধ হিচাপে গণ্য কৰা নহয়৷
আইনে সমকামিতাক অপৰাধ গণ্য নকৰিলে এতিয়াও সমকামী বিবাহে আইনী অধিকাৰ লাভ কৰিবলৈ সক্ষম হোৱা নাই। দেশৰ তৃতীয় লিংগ, সমকামী আৰু ট্ৰেন্সজেণ্ডাৰসকলে এই সমকামী বিবাহক আইনী বৈধতা প্ৰদানৰ বাবে যুঁজ অব্যাহত ৰাখিছে৷
স্মৰ্তব্য যে সমকামী বিবাহ দেশত আইনী বৈধতা লাভ নকৰিলেও ২০১৭ চনত প্ৰথমখন সমকামী বিবাহ সম্পন্ন হৈছিল৷ তেতিয়া আমেৰিকাৰ কেললিফৰ্ণিয়াত বাস কৰা আই আই চি স্নাতক হৰ্ষ ২০১৬ চনত অনলাইন ডেটিং চাইটৰ যোগে সম্পৰ্কলৈ অহা ভিয়েটনামৰ ভিনহকৰ সৈতে ২০১৭ চনৰ এপ্ৰিলত ভাৰতত বিবাহ পাশত আৱদ্ধ হৈছিল৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
