গুৰুতৰ অভিযোগ! ভাইৰেল গাৰ্ল মনালিছাক চিনেমা অফাৰ কৰা নিৰ্দেশক গ্ৰেপ্তাৰ
মহাকুম্ভ ২০২৫’ত ভাইৰেল হোৱা মনালিছাক নিজৰ ছবিখন অভিনয়ৰ প্ৰস্তাৱ দিয়া পৰিচালক সনোজ মিশ্ৰক গ্ৰেপ্তাৰ আৰক্ষীৰ। সনোজ মিশ্ৰাৰ বিৰুদ্ধে গুৰুতৰ অভিযোগ। ধৰ্ষণৰ অভিযোগত গ্ৰেপ্তাৰ কৰা হৈছে মিশ্ৰাক।
দিল্লী উচ্চ ন্যায়ালয়ে মিশ্ৰাৰ জামিন আবেদন নাকচ কৰাৰ পিছতে গ্ৰেপ্তাৰ হয় পৰিচালকগৰাকী। পৰিচালকগৰাকীৰ বিৰুদ্ধে কেইবাবছৰ ধৰি শাৰীৰিক নিৰ্যাতন চলোৱাৰ অভিযোগ উত্থাপন কৰিছে এগৰাকী মহিলাই।
বিগত বৰ্ষৰ ৩০ মাৰ্চত ৪৫ বছৰীয়া সনোজ মিশ্ৰক দিল্লী আৰক্ষীয়ে গাজিয়াবাদৰ পৰা গ্ৰেপ্তাৰ কৰিছিল আৰু তাৰ পিছত নবী কৰিম আৰক্ষীয়ে তেওঁক জিম্মাত ৰাখিছিল। চাৰি বছৰ ধৰি ধৰ্ষণ কৰা বুলি অভিযোগ উত্থাপন হৈছে পৰিচালকজনৰ বিৰুদ্ধে।
চলচ্চিত্ৰ অভিনেত্ৰী হোৱাৰ আকাংক্ষা থকা মহিলাগৰাকীয়ে মুম্বাইত মিশ্ৰৰ সৈতে লিভ ইন ৰিলেচনত থকা বুলি দাবী কৰে। মহিলাগৰাকীৰ মতে, শোষণৰ সময়ত পৰিচালকে তিনিবাৰকৈ গৰ্ভপাত কৰিবলৈও বাধ্য কৰাইছিল মহিলাগৰাকীক।
আৰক্ষীক দিয়া বক্তব্যত ভুক্তভোগী মহিলাগৰাকীয়ে কয় যে প্ৰথমে সনোজ মিশ্ৰই তেওঁক বিয়াৰ প্ৰতিশ্ৰুতি দি শাৰীৰিক সম্পৰ্ক স্থাপন কৰিছিল। ইয়াৰ পিছত চিনেমাত কাম কৰাৰ প্ৰস্তাৱ দি তাইক প্ৰলোভিত কৰি মনে মনে থাকিবলৈ ভাবুকি দিছিল।
পিছত সিও বিয়াৰ প্ৰতিশ্ৰুতিত পুনৰ আগবাঢ়িল। দিল্লী আৰক্ষীৰ মতে, এই গোচৰত ২০২৪ চনৰ ৬ মাৰ্চত সঞ্চালকগৰাকীৰ বিৰুদ্ধে ধৰ্ষণ, আক্ৰমণ, বলপূৰ্বক গৰ্ভপাত আৰু ভাবুকিকে ধৰি কেইবাটাও ধাৰাত এফআইআৰ ৰুজু কৰা হৈছিল।
এতিয়া যিটো গোচৰত পৰিচালকজনক গ্ৰেপ্তাৰ কৰা হৈছে সেয়া ২০২৫ চনৰ ১৮ ফেব্ৰুৱাৰীৰ গোচৰ। যেতিয়া অভিযুক্তই অভিযোগ অনুসৰি ভুক্তভোগীক নবি কৰিমৰ হোটেল শিৱালৈ লৈ আহিছিল। এই সময়ছোৱাত মহিলাগৰাকীৰ সৈতে শাৰীৰিক সম্পৰ্ক স্থাপন কৰি তাৰ পিছত মহিলাগৰাকীক পৰিত্যাগ কৰাৰ অভিযোগ পৰিচালক সনোজ মিশ্ৰৰ বিৰুদ্ধে।
লগতে ভাবুকি দিয়ে যে যদি তাই তেওঁৰ বিৰুদ্ধে অভিযোগ দাখিল কৰে তেন্তে তেওঁৰ অশ্লীল ভিডিঅ’ আৰু ফটো ছ’চিয়েল মিডিয়াত ভাইৰেল কৰিব। ইয়াৰ পিছতে ভুক্তভোগীয়ে এজাহাৰ দাখিল কৰে। ইয়াৰ পূৰ্বে এই গোচৰৰ শুনানি গ্ৰহণ কৰি থকা দিল্লী উচ্চ ন্যায়ালয়ে তেওঁৰ জামিন আবেদন নাকচ কৰাৰ পিছতে মিশ্ৰক গ্ৰেপ্তাৰ কৰা হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
