ছলমানৰ ২০২৫ ঈদৰ উপহাৰ ‘চিকন্দৰ’ৰ উপাৰ্জন কেনে, পূৰ্বৰ ৫ ছবি আছিল ফ্লপ
বলীউডৰ ছুপাৰষ্টাৰ ছলমান খান আৰু ৰশ্মিকা মাণ্ডানা অভিনীত বহু প্ৰত্যাশিত ছবি ‘চিকন্দৰ’ ঈদ উপলক্ষে ৩০ মাৰ্চত ছবিগৃহত মুক্তি লাব কৰে। ছবিখন সন্দৰ্ভত ছ’চিয়েল মিডিয়াত চলি থকা ব্যাপক হৈ চৈ দেখি ছবিখনে মুক্তিৰ দিনাই প্ৰায় ৪০ৰ পৰা ৫০ কোটি টকা সংগ্ৰহ কৰিব বুলি জল্পনা-কল্পনা কৰা হৈছিল।
কিন্তু মুক্তিৰ পাছত বক্স অফিচত আশানুৰূপ ফল লাভ কৰাত ব্যৰ্থ হৈছে ‘চিকন্দৰ’। প্ৰকাশিত প্ৰতিবেদন অনুসৰি ছবিখনে মুকলিৰ দিনটোত কেৱল ২৬ কোটি টকা সংগ্ৰহ কৰিছে। লগতে আজিৰ দিনটোৰ সৈতে ‘চিকন্দৰ’ৰ মুঠ সংগ্ৰহ ৩৪.৫১ কোটি টকা।
উল্লেখ্য যে ছলমান খানৰ ছবি ‘চিকান্দৰ’ৰ পৰিচালনা কৰিছে এ আৰ মুৰুগাডোছে, আনহাতে সাজিদ নাদিয়াৱালাই প্ৰযোজনা কৰিছে। মুক্তিৰ দিনটোত অনুৰাগীক হতাশ কৰা এইখন ছলমানৰ প্ৰথমখন ছবি নহয়। ইয়াৰ পূৰ্বেও ছলমান খানৰ ছবিয়ে মুকলি দিনটোত আশা কৰাতকৈ বহু কম উপাৰ্জন কৰিছিল।
কিছি কা ভাই কিছি কি জান-
ছলমান খান আৰু পূজা হেগড়ে অভিনীত একচন-কমেডী ছবি ‘কিছি কা ভাই কিছি কি জান’ ছবিগৃহত মুক্তি লাভ কৰিছিল ২০২৩ চনৰ এপ্ৰিল মাহত। দৰ্শকে এই ছবিখনৰ পৰা বহু আশা কৰিছিল যদিও বক্স অফিচত প্ৰথম দিনা মাত্ৰ ১৫ কোটি টকা সংগ্ৰহ কৰিছিল।
ৰাধে-
বলীউডৰ অভিনেতা ছলমান খান, জেকী শ্ৰফ আৰু দিশা পাটানীৰ ছবি ‘ৰাধে’ ছবিগৃহত মুক্তি লাভ কৰিছিল ২০২১ চনত ঈদ উপলক্ষে। সেই সময়ত বলীউড বৰ্জনৰ প্ৰভাৱ বহু ছবিত দেখা গৈছিল। ‘ৰাধে’ই উদ্বোধনী দিনটোত উপাৰ্জন কৰিছিল মাত্ৰ ৪.৩৯ কোটি টকা।
ৰেচ- ৩-
২০১৮ চনত ছবিগৃহত মুক্তি পোৱা ‘ৰেচ ৩’ ছবিখনো ঈদ উপলক্ষে ছবিগৃহত মুক্তি লাভ কৰিছিল। ‘ৰেচ’ ফ্ৰেঞ্চাইজিৰ এইটো আছিল তৃতীয় খণ্ড য’ত জেকলিন ফাৰ্নাণ্ডেজক ছলমান খানৰ সৈতে দেখা গৈছিল। এই ছবিখনে মুকলিৰ দিনা ২৯ কোটি টকা উপাৰ্জন কৰিছিল।
টিউবলাইট-
ছলমান খান আৰু সোহেল খান অভিনীত ছবি ‘টিউবলাইট’ ছবিগৃহত মুক্তি লাভ কৰিছিল ২০১৭ চনত। এই ছবিখনো ঈদ উপলক্ষে মুক্তি লাভ কৰিছিল, যিয়ে মুকলি দিনটোত ২১ কোটি টকা সংগ্ৰহ কৰিছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
