ধনৰ অভাৱ নাই৷ ধনেৰেই যি ইচ্ছা তাকেই কৰিছে তেওঁ৷ এইবাৰো তেনে এক অস্বাভাৱিক কামকেই স্বাভাৱিক কৰি তোলাৰ মন৷ সেইমতে কামো কৰিছে৷ বহুদিন ধৰি মঙল গ্ৰহলৈ মানুহ পঠিওৱাৰ কামত তেওঁ মগ্ন৷ তেওঁ আন কোনো নহয়, তেওঁ স্পেছ এক্সৰ মালিক এলন মাস্ক৷ এইবাৰ এলন মাস্কে দিলে মঙলত মানুহ পঠিওৱাৰ ডেডলাইন কেতিয়া৷
এলন মাস্ক মানেই সংবাদ শিৰোনাম৷ তেওঁৰ ব্যতিক্ৰমী কাৰ্যকলাপে বিশ্বক আকৰ্ষিত কৰে৷ শেহতীয়াকৈ তেওঁ কৰা ভাল কামৰ প্ৰশংসাও বিশ্ববাসীয়ে কৰিছে৷ তেওঁৰ স্পেছ এক্সৰ প্ৰচেষ্টাতেই পৃথিৱীলৈ সুকলমে উভতি আহিছে সুনীতা উইলিয়ামছসহ ৪ নভোশ্চৰ৷ সেই স্পেছ এক্সেই এইবাৰ আন এক অসাধ্য সাধন কৰিবলৈ আগবাঢ়িছে৷ বহুদিন ধৰি মঙ্গলত মানুহৰ বসতি হব বুলি জনাই অহা মাস্কে জনাই দিছে কেতিয়া পৃথিৱীৰ পৰা মানুহ মঙ্গললৈ যাব৷
https://x.com/elonmusk/status/1902253573200629878
এলন মাস্কে জনাই দিছে যে আগন্তুক ২০ৰ পৰা ৩০ বছৰৰ ভিতৰত মঙ্গলৰ বুকুত মানুহে বসতি স্থাপন কৰিব৷ তেওঁৰ প্ৰতিষ্ঠান স্পেছ এক্সে সেই কাম কৰিব৷ এই কামক বাস্তৱ ৰূপ দিবলৈ কি কি কাম কৰাটো জৰুৰী সেই কথা তেওঁ নিজৰ এক্স হেণ্ডেলত জনাই দিছে৷
মাস্কক প্ৰশ্ন কৰা হৈছিল যে তেওঁ কেনেকৈ মঙ্গললৈ মানুহ পঠিওৱাৰ ডেডলাইন এতিয়াই দি দিলে৷ তেতিয়া তেওঁ কয় যে আগন্তুক ২০-৩০ বছৰৰ ভিতৰত এই প্ৰশ্নৰ উত্তৰ সকলোৱে কামে কাজে পাব৷ সুনীতা হঁতৰ দলটোক সুকলমে উভতাই অনাৰ বাবে এলন মাস্কে তেওঁৰ কৰ্মীসকলক বিশেষ ধন্যবাদ জ্ঞাপন কৰিছে৷ নাছাৰ সৈতে একজোট হৈ যি কাম তেওঁৰ প্ৰতিষ্ঠানৰ কৰ্মীয়ে কৰিছে সেয়া প্ৰশংসাৰ যোগ্য৷ তেওঁলোকৰ অফিচলৈকো আহিব দুই মহাকাশচাৰী৷ স্পেছ এক্সৰ কামক প্রশংসা কৰিছে নাছাইয়ো৷ তেওঁলোকেও মাস্কৰ প্ৰযুক্তিক কামত লগাব বুলি জনাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
