সফলা একাদশী হিন্দু ধৰ্মৰ এক অতি গুৰুত্বপূৰ্ণ ব্ৰত৷ এই ব্ৰত পুহ মাহৰ কৃষ্ণপক্ষৰ একাদশী তিথিত পালন কৰা হয়। এই ব্ৰতৰ নামেই কয়, ইয়াক পালন কৰিলে সকলো কামতে সফল হ’বই। এই শুভ একাদশী ২০২৪ চনৰ ২৬ ডিচেম্বৰত পৰিছে। বিশ্বাস কৰা হয় যে এই ব্ৰত পালন কৰিলে ভগৱান বিষ্ণুৰ কৃপাত সকলো কামতে সফলতা লাভ কৰে৷ জ্যোতিষীসকলৰ মতে বৃহস্পতিবাৰৰ দিনটো ২০২৪ চনৰ শেষ একাদশী। এই একাদশী অতি শুভ, কাৰণ এই দিনটো বিশেষভাৱে ভগৱান বিষ্ণুৰ বাবে উৎসৰ্গিত।
জ্যোতিষীসকলৰ মতে সফলা একাদশীৰ সুকৰ্ম আৰু ধৃতি যোগো পৰিছে। এই দুয়োটা অতি শুভ যোগৰ বাবে ৫টা ৰাশিৰ জাতক বিশেষভাৱে লাভাম্বিত হ’ব৷ জ্যোতিষীসকলৰ মতে এই সকলোবোৰ যোগৰ সমন্বয়ে সকলো ৰাশিৰ ওপৰত ব্যাপক প্ৰভাৱ পেলাব, কিন্তু ৫টা ৰাশিৰ ওপৰত ভগৱান বিষ্ণুৰ বিশেষ আশীৰ্বাদ থাকিব আৰু এই ৰাশিৰ লোকসকলে প্ৰতিটো ক্ষেত্ৰতে সফলতা লাভ কৰাৰ সম্ভাৱনা আছে৷ জানক এই ৫ টা ভাগ্যবান ৰাশি কি কি?
মেষ ৰাশি
ভগৱান বিষ্ণুৰ কৃপাত আপোনাৰ কেৰিয়াৰত অগ্ৰগতিৰ সম্ভাৱনা আছে। ২০২৫ চনত আপুনি নতুন সুযোগ পাব, যিয়ে আপোনাৰ অৰ্থনৈতিক অৱস্থাৰ উন্নতি সাধন কৰিব। এই সময় ব্যৱসায়, প্ৰচাৰ আৰু লাভজনক বিনিয়োগৰ বাবে শুভ হ’ব। ব্যৱসায়ত বিনিয়োগ কৰিলে ভাল লাভ হ’ব। বাকী থকা কাম সম্পূৰ্ণ হ’ব। পৰিয়ালত সুখ আৰু শান্তি থাকিব। স্বাস্থ্যৰ প্ৰতি সজাগ হওক আৰু নিয়মিত ব্যায়াম কৰক।
সিংহ ৰাশি
সফলা একাদশীত গঠিত শুভ যোগৰ ফলত আপোনাৰ আত্মবিশ্বাস বাঢ়িব। সৃষ্টিশীল কামত আপুনি সফলতা লাভ কৰিব। সামাজিক প্ৰতিপত্তি বাঢ়িব। আৰ্থিক লাভৰ সম্ভাৱনা প্ৰবল। ব্যৱসায়িক সম্পৰ্কত যোগাযোগ বৃদ্ধি৷ নতুন অংশীদাৰিত্ব গঢ়ি তোলাৰ বাবে এই সময় অনুকূল। পৰিয়ালৰ সৈতে সময় কটালে সম্পৰ্ক মজবুত হ’ব। মনটো সুখী হ’ব আৰু স্বাস্থ্যও ভালে থাকিব৷
তুলা ৰাশি
এই সময়ত আপুনি ভাগ্যৰ সম্পূৰ্ণ সমৰ্থন পাব। আপোনাৰ বুদ্ধিমত্তা আৰু দক্ষতা বিকাশ ঘটিব৷ ডাঙৰ ডাঙৰ সিদ্ধান্ত ল’বলৈকো ভয় নকৰিব। আনহাতে, আপুনি যি কামতেই হাত নিদিয়ক সফল হ’বই। পদোন্নতিৰ লগে লগে নতুন দায়িত্ব লাভ কৰিব পাৰে। ব্যৱসায়ীসকলে আৰ্থিক লাভৰ সুযোগ লাভ কৰাৰ পূৰ্ণ সম্ভাৱনা আছে৷ সম্পৰ্কত মধুৰতা থাকিব। স্বাস্থ্য সচেতন হওক আৰু সুষম খাদ্য গ্ৰহণ কৰক।
ধনু ৰাশি
সফলা একাদশীৰ পৰা আপোনাৰ আত্মবিশ্বাস বাঢ়িব। নতুন দায়িত্ব চম্ভালিবলৈ আপুনি সাজু হ’ব। আপোনাৰ পৰিকল্পনাত সফল হ’ব। ধৰ্মীয় কাম-কাজৰ লগত জড়িত লোকৰ সন্মান বাঢ়িব। শিক্ষা আৰু কেৰিয়াৰত অগ্ৰগতিৰ লক্ষণে দেখা গৈছে। কৰ্মত নিয়োজিত লোকৰ আৰ্থিক অৱস্থা উন্নত হ’ব। পৰিয়ালত সুখ থাকিব। ঘৰৰ বৃদ্ধ ব্যক্তিৰ স্বাস্থ্য সম্পৰ্কীয় সমস্যা সমাধান কৰিব পাৰিব৷ খাদ্যাভ্যাসৰ প্ৰতিও বিশেষ যত্ন লোৱা উচিত।
মীন ৰাশি
ভগৱান বিষ্ণুৱে আপোনাক বিশেষ আশীৰ্বাদ দিব। আপোনাৰ বাবে নতুন সুযোগৰ দুৱাৰ মুকলি হোৱাৰ সম্ভাৱনা আছে। পেছাদাৰী জীৱনৰ অগ্ৰগতিৰ লগতে ব্যক্তিগত জীৱনতো স্থিতিশীলতা থাকিব। আপোনাৰ উপযুক্ত প্ৰচেষ্টাৰ বাবে ২০২৫ চনত আপোনাৰ বাবে আৰ্থিক লাভ হ’ব পাৰে। ব্যৱসায়, শিক্ষা, কাৰিকৰী খণ্ডত অগ্ৰগতি হ’ব। সম্পৰ্ক উন্নত হ’ব আৰু পৰিয়ালৰ পৰা সহায় লাভ কৰিব। স্বাস্থ্যৰ উন্নতি হ’ব, কিন্তু নিয়মীয়াকৈ স্বাস্থ্য পৰীক্ষা কৰি থাকিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
